amalinks wokungena

Breaking News

Izakhamizi Zikhala Ngodubo Lokusilela Kwamandla Kagetsi


Hwange Power Station

Izakhamizi zemhlubulweni weMaNdebeleni ziveza ukukhathazeka ngodubo lokuhamba kukagetsi okuhle kukhokhelele ekwehleni kwamandla obulembu beinternet.

l-Zimbabwe isile sikhathi esithile ibhekane lodubo lokuthola isilinganiso esiphansi samandla kagesti, asetshenziswa nguzulu osokubangela inhlupho emisebenzini yenhlangothi ezitshiyeneyo zempilo okugoqela lokuthola amagagase okuya ebulenjini be internet.

Isakhamuzi sakoBulawayo uMnu Nqobani Sibanda uthi kusebenzeka nzima uma bengekho ebulenjini.

“Sibuhlungu kakhulu ngoba kusebenzeka nzima okwamanje zonke izinto esifuna ukuzenza kubanzima, sibuhlungu ngokwenzakalayo ngoba kusebenzeka nzima. Asazi ukuthi kungani uhulumende engangeneli ngoba kunzima uma sikhuluma kanje.”

Esinye njalo isakhamuzi sakoBulawayo, uMnu Welcome Moyo uthi lilungelo lomuntu wonke ukuba abe sebulenjini.

“Ngibona ingathi uhulumende kumele athathe masinya inyathela alungise okungabe konakele emagestini ngoba kulilungelo lomuntu wonke ukubasebulenjini ezweni elikhululekileyo leZimbabwe. Uhulumende kathathe masinya inyathela alungise.”

Abenkampani yePowertel koBulawayo ibuzwa ngodubo olubhekane labantu lokufinyelela amagagasi obulembu, bathi kababoni lulungiseka ngaphandle kokuba kuqale kulungisiswe udubo lokusilela kwamandla kagesti.

Inkampani ebona ngokugaywa kwamandla kagesti ezweni eyeZESA Holdings ikhuphe umbiko othi elizwe lonke libhekane lokusilelela kwamandla kagesti kulandela ingozi yokudubuka kweminye yemitshina yayo egaya amandla kagesti esithitshini esikhulu eseHwange Power Station. Bachaze ukuba bayenza konke okusemandleni abo ukulungisisa lapho okube lomonakalo khona njalo akulamuntu othe walimala ngesikhathi kusitsha.

Udaba lwamandla kagetsi asephambanisa i-internet siluphiwa nguAnnahstacia Ndlovu
please wait

No media source currently available

0:00 0:01:54 0:00

Facebook Forum

XS
SM
MD
LG