amalinks wokungena

Breaking News

Izakhamizi Zikhala Ngokukhuphuka Kwentengo Yempahla Ezitolo Lesivuno Esiphansi


Imphahla ezitolo.

Izakhamizi zemaphandleni zithi ukukhuphuka kwentengo yokudla ezitolo kuhlangene lesivuno esiphansi sokudale ukuthi umangoye alale eziko.

Izakhamizi zemaphandleni zithi ukukhuphuka kwentengo yokudla ezitolo kuhlangene lesivuno esiphansi sokudale ukuthi umangoye alale eziko.

Uzulu oxoxe lomsakazo weStudio 7 uthi impahla ezibalisa impuphu, amafutha okuphekisa kanye letshukela kazibambeki ezitolo osekutshiye inengi lezakhamizi lihlaselwe yindlala.

Isaka lempuphu i50kg ebelibiza amadola eMelika alitshumi lasitshiyangalombili-12 US Dollars kumaviki amabili edluleyo selibiza amadola angamatshumi amathathu US$30 ezitolo ezinengi zemaphandleni osekutshiye inengi labantu lingasenelisi ukulithenga.

UNkosikazi Saziso Khumalo oweVokola eInsiza uthi intengo yempahla isikhuphuka mihla ngemihla okukhomba ukuwa kwamandla emali yakuleli.

UNkosikazi Siphathisiwe Nkala oyisakhamuzi seSilikwe eMatshetsheni eGwanda North uthi isimo abakuso sibi kakhulu.

UNkosikazi Matilda Dube laye oyisakhamuzi sakoGodlwayo, uthi abantu bayaludinga uncedo lokudla.

Umqondisi wenhlanganiso elwela amalungelo abesifazana lamantombazana uNkosikazi Sethekele Tshabangu uthi ezinye izakhamizi seziqalile ukuthengisa izifuyo ukuze zithenge okokudla.

Umphathintambo wezokulima njalo ebona ngezentuthuko emaphandleni uMnu. Anxious Masuka ubikele idale leCabinet kuliviki ukuthi isivuno salonyaka sizakwehla ngesilinganiso samatshumi amane lantathu ekhulwini 43% ngenxa yokungani kuhle kwezulu.

Kusenjalo uhulumende useyazise abalimi ukuthi bahambise isivuno sabo kusiphala selizwe eseGrain Marketing Board iGMB phakathi kwamaviki amabili ngemva kokuvuna.

Kumbiko owethulwe yiGMB ekupheleni kwenyanga eyedlulileyo abalimi bomumbu,indumba kanye lengqoloyi kuzamele bahambise sonke isivuno sabo eGMB kuthi labo abazafuna ukusala lokokudla bephiwe ivumo yisiphala sesizwe.

Inhlanganiso ezisiza uzulu ngokudla ezigoqela iWorld Food Programme zithi abantu abafika phose izigidi ezinhlanu 5 million-bazafuna uncedo lokudla kulandela ukungani kuhle kwezulu okudale isivuno esiphansi.

please wait
Embed

No media source currently available

0:00 0:04:29 0:00


Facebook Forum

XS
SM
MD
LG