amalinks wokungena

Breaking News

IZanu PF Izitshaya Isifuba: Yithi Esenza Intengo Ingasakhweli Ezitolo


Umphathintambo wezamafekitali, uMnu. Mike Bimha

Uhulumende uthi ukungakhweli mahlayana kwentengo ezitolo kwenziwe nguhulumende lamaqhinga akhe akhaliphileyo.

Umphathintambo wezamafekitali lokuthuthukiswa kwenotho, uMnu. Mike Bimha utshele umhlangano wabathengisa impahla etshiyeneyo, owe Confederation of Zimbabwe Retailers eHarare ngoMvulo ukuthi okwenziwe nguhulumende kuzaqhubeka njalo lentengo ikhangelelwe ukwehla.

Kodwa ingcwethi kanye lozulu bathi kunengi okubangele ukuthi intengo ingayali ilokhu iqansa okungelani lokwenza lohulumende.

Umkhokheli wenhlanganiso yabaphila ngokuthenga emazweni bethengisa elizweni, eye International Cross Border’s Association, uMnu. Dennis Juru uthi okungaba kubangele ukungakhweli kwentengo lokwala iqonga yikwanda kwempahla evela phandle kwelizwe hatshi amaqhinga kahulumende.

Kodwa ukhansila wedolobho le Harare, uMnu. Peter Moyo uthi

intengo kayehlanga njalo ilokhu qhubeka iqonga.

Ingcwethi kwezomnotho, uMnu. Albert Mhlanga uthi ibandla le Zanu PF lantshontsha amaqhinga okuvusulela umnotho awabunjwa libandla le MDC-T.

Intengo yempahla ezitolo iqanse mihla nge mihla nyakenye okwabangela abanengi ukuthi bacabangele ukuthi kuzafana lokwenzakala nomnyaka ka 2010 lapho intengo eyeyikhwela ngokuphinidiweyo nsukuzonke.

please wait

No media source currently available

0:00 0:02:08 0:00

Facebook Forum

XS
SM
MD
LG