Abadala bathi akulahlwa mbeleko ngokufelwa.
Lo ngumutsho okhanya usipha umdlandla izibotshwa ezingamakhulu amabili lasithupha, 206, eziphakathi kokuloba imihloliso esukela kwekaGrade 7 kusiya kweyeO’ leA’ Level zisemajele.
Ugatsha olubona ngezezibotshwa olweZimbabwe Prisons and Correctional Service lwethule imifinakiso izolo eveza bapikayo laba besemakilasini njalo begqoke ezamabhantinti bephakathi kwezifundo.
Luthi njalo imihloniso le iqhutshwa lugatsha olukhangelane lokuvivinya abafundi olweZimsec lusebenzelana labamajele ngoba kulilungelo lezibotshwa zonke ezifisa ukufunda ukuthi ziyithole ngokugcweleyo leyo mfundo.
Olwela amalungelo oluntu uMnu Effie Dlela Ncube utshele iStudio 7 ukuthi ngempela kuqakathekile ukuthi izibotshwa ziphathwe njengaye wonke umuntu olamalungelo.
