amalinks wokungena

Breaking News

'Izidlova zeZanu PF' Zitshaye Zalimaza uMujuru Labasekeli Bakhe


UNkosikazi Joice Mujuru labalandeli bebandla lakhe.
UNkosikazi Joice Mujuru labalandeli bebandla lakhe.

Umkhokheli webandla leNational People’s Party uNkosikazi Joice Mujuru lamalunga ebandla lakhe batshaywe ngabasekeli beZanu PF ngoLwesine balimala kakubi.

UMujuru labasekeli bakhe bahlaselwe yizikliwi zeZanu PF besemhlanganweni wokudinga usekelo elokitshini leGlen Norah, eHarare phambilini kokhetho oluzayo.

Abalimeleyo nguye uNkosikazi Mujuru labasekeli bakhe abahlanu. Bahambe bayakwelatshwa kwesinye isibhedlela.

UMujuru uthi utshaywe emhlathini. Kodwa uthe akala qiniso lokuthi utshaywe ngenqindi kumbe ngembokodo.

Imifanekiso ebonwe yiStudio 7 ibilomunye wabasekeli bakhe obejuluka igazi ekhanda.

Lanxa singenelisanga ukukhuluma lamapholisa ngaloludaba, osiyazi bathi kulabantu ababotshiweyo abagoqela amasotsha phezu kwesehlakalo lesi.

Umsekeli wesikhulumeli sebandla likaMujuru uMnu Methuseli Moyo usole kakhulu isehlakalo lesi.

“Yinto edanisayo kakhulu njalo ekhombisa ukuthi ingwe eyiZanu PF ayitshintshi amabala ayo,” kutsho uMoyo ekhuluma leStudio 7.

please wait

No media source currently available

0:00 0:02:03 0:00

Udlakela lolu lwenzakele lanxa nje uMongameli Emmerson Mnangagwa ethembisa ukuthi ukhetho luzaqhutshwa ngendlela ekhululekileyo.

Ukuhlaziya udaba lodlakela lolu ngokujulileyo sixhume umsekeli wesikhulumeli sebandla lePeople’s Democratic Party uMnu Edwin Ndlovu lelunga leZanu PF uMnu Believe Gaule.

Egcizelela amazwi kaMoyo, uNdlovu uthe ukutshaywa kukaMujuru labasekeli bakhe akumangalisi ngoba ibandla leZanu PF lisaziwa ngobudlova.

Kodwa uMnu Gaule uthe akula bufakazi obuqinileyo obukhomba ukuthi ngempela udlakela lolu lwenziwe ngamalunga ebandla lakhe.

please wait

No media source currently available

0:00 0:04:53 0:00
XS
SM
MD
LG