amalinks wokungena

Breaking News

Izikolo Zivulwa Okwehlandla Lakuqala eZimbabwe


Abafundi beNtepe Primary bakha amanzi okugeza izandla esikotsho

Uhulumende weZimbabwe uthi wenze amalungiselelo eneleyo wokuvikela ukumemetheka kweCovid-19 ezikolo lapho zivulwa. Namuhla kube lihlandla lakuqala lokuvulwa kwazo kuqala ngababhala imihloliso lonyaka kuthi abanye bonke bavule ngoMvulo weviki ezayo, mhlaka 22 Mbimbitho.

Umphathintambo wezemfundo yePriamry leSecondary, uMnu Cain Mathema utshele iphephandaba le The Herald ukuba izikolo ezingasoze zilandele iziqondiso zokuvikela abantwana lababalisi kuCovid-19 zizazalwa.

Isikhulumeli sogatsha lwezemfundo uMnu Taungana Ndoro yena uthe izikolo zonke elizweni sezilungele ukuvulwa.

“Ugatsha lwezemfundo soluvulile izikolo njengalokho okwatshiwo ngu Mongameli Mnangagwa. Sesifake iziqondiso zonke ezivunyelwa ngabe World Health Organisation okuze ababalisi labantwana befundise bekhululekile”

Uqhubeke echasisa ukuba abazali kumele bathembe iziqondiso ezibekwe ngu hulumende ekuvikeleni I Covid-19/

“Abazali labantwana kakumelanga bethuke kumele bathumeze abantwana esikolo njalo ukufunda kuyaqhubekela phambili”

Kodwa abenhlanganiso emela ababalisi eye Progressive Teachers Association of Zimbabwe (PTUZ) bathi lumbiko awula qiniso. Lokhu kufakazwa ngumkhokheli wale inhlanganiso uMnu. Takavafira Zhou.

“Izikolo zehlulekile ukuvula ngoba abantwana abaloba imihloliso yibo abahambe ezikolo. Satshela uhulumende ukuba asila mali ngoba usinikeza iholo elincane kakhulu”

Omunye umbalisi uNkosikazi Mellisa Chingwangwana uvemelana lo Zhou.

“Njengababalisi sikhangelelwe ukuba se msebenzi ngoba imali esiyiholayo isihle yaphela. Zonke izinto esisifunayo kazeneli ngoba imali yethu incane kakhulu”

Kunjalo nje, ele Zimbabwe liyaqhubeka lihlaba abantu ijekiseni le Covid-19 sekulamabantu abazinkungwane ezedlula ezingamatshumi amathathu- 36,359 asebehlatshwe leli jekiseni, kuhlandla lakuqala lokuhlatshwa kwejekiseni leSinopharm elavela kweleChina.

Uhulumende wazise ukuba amanye amajekiseni afika inkulungwane ezimbili- 200 000 asendleleni evela kwele China njalo.

Udaba lokuvulwa kwezikolo siluphiwa nguMlondolozi Ndlovu
please wait

No media source currently available

0:00 0:03:33 0:00

Facebook Forum

XS
SM
MD
LG