amalinks wokungena

Kuvulwa Izikolo eZimbabwe Abazali Bekhala Ngokuswelakala Kwemali


Zivuliwe izikolo abazali bekhonona ngokuzwelekala kwemali yokubahlawulela ama tuition lama school fees.

Abazali bakoBulawayo bakhala ngokuthi laloba izikolo zivuliwe namhlanje, lokhe bebhekane lohlupho lokwehluleka ukubhadalela indleko zezikolo ngenxa yokusweleka kwemali emabhanga.

Inengi labo likhala ngokuswelakala ikakhulu kwemitshina yokubhadalisa ngamacard ezikolo ezinengi zisithi kazila ndlela yokuhlawulela ngomakhalekhukwhini eye Ecocash.

Inengi labazali belimatasatasa lisiyatshiya abantwana ezikolo laloba bebengakabhadili indleko ezifunekayo. Izikolo ezimbalwa zihlawulelwa emabhanga ehlukeneyo.

UNkosikazi Sihle Nyathi uthi izikolo ezinengi zifuna abantwana babuye lobufakazi bokuthi bahlawulile indleko zesikolo.

Omunye umzali uNkosikazi Nontokozo Masimini uthi ukusweleka kwemali sokudale uhlupho olukhulu ngoba imali abayitholayo emabhanga incane kakhulu osokudale ukuthi abanye abafundi behluleke ukuthatha impumela zabo zomnyaka ophelileyo.

Umbalisi odumileyo, uMnu. Phathisa Nyathi, uthi uhlupho lwemali luhlupho oseludume kakhulu ngakhoke izikolo zonke sokumele zibone ukuthi ziba lemitshina yamabhanga yokuthi abazali benelise ukubhadalela linldeko lula.

Ekuqaleni komnyaka uhulumende weZimbabwe uxwayise izikolo zonke ukuthi zidinge imitshina yokubhadalisa ngayo eyokuswiper, ukuze uhlupho lokusweleka kwemali lube nganeno ebazalini.

Kodwa kulokhe kulezikolo ezifuna abazali babuye lemali manqamu hatshi ethunyelwa ngobulembu ngamabhanga kumbe ngomakhalekhukhiwini.

Facebook Forum

XS
SM
MD
LG