amalinks wokungena

Breaking News

Izilwane zeTeranga Zibona Ntuthu Kumdlalo weWorld Cup


Akula qembu eliphuma kuzwekazi lase Africa elifinyelele ukuyadlala kusigaba esilandelayo esomncintiswano wenguqu owezizwe zomhlaba ngemva kokuba iqembu le Senegal liphutshe imidlalo yezibaya lisendaweni yesithathu engalaneni yesibaya sika Group H.

Iqembu le Senegal liphume kumncintiswano wezizwe zomhlaba ngendlela engajwayelekanga ngemva kokuba liphutshe imidlalo yalo kusibaya sika Group H lilemiklomelo emine okulinani elilingana lelile qembu le Japan.

Lawamaqembu ahlohle aphinda ahlohlwa ngokulinganayo kodwa umehluko odale ukuba ele Japan lidlulele phambili yikuba ele Senegal libe labadlali abayisithupha abatshengiswe ikhasi lombala olithanga kuthi ele Japan libe labadlali abane kuphela abatshengiswe ikhasi elifanayo ngabonompembe kumidlalo emithathu eyezibaya.

Iqembu le Senegal belizadlulela kusigaba esilandelayo esomncintiswano aluba libe ngutshiki lobhanqa lele Colombia kodwa lisuke laselinqotshwa nge 1 ka nya kwathi ele Japan lalo latshaywa nge 1 ka nya ngele Poland.

Limpumela itshiye ele Colombia kuyilo elihlezi phezu kwengalane lilemiklomelo eyisithupha kuthi ele Japan lele Senegal elingene ngemiklomelo womabili elemiklomelo emine iqembu ngalinye kwathi ele Japan laselidlulela phambili ngemva kokukhangelwa ukuba yiliphi elijeziswe kanengi ngabonompembe.

Limpumela itsho ukuba izwekazi lase Africa alisela qembu elisele kulumncintiswano oqhutshelwa elizweni lase Russia njalo olandela limidlalo kumabonakude uSibonakaliso Ndlovu uthi ukusekela amaqembu aphuma kuzwekazi lase Africa kuyadanisa kakhulu kungcono ukubukela nje umuntu engela qembu akhangelele ukuba linganqoba.

Amanye amaqembu afinyelele ukuyadlala kusigaba esilandelayo esomncintiswano wezizwe zomhlaba ngabalalisa ele Uruguay lele Russia aphumelele kusibaya sika Group A, ele Spain lele Portugal aphumelele kusibaya sika Group B, kusibaya sika Group C kunqobe ele France lele Denamark, kuGroup D kuphumelele iCroatia le Argentina, iqembu le Brazil lele Switzerland aphumelele kusibaya sika Group E kuthi kusibaya sika Group F kuphumelele iqembu le Sweden lele Mexico, ikanti ku Group G kuphumelele iqembu le England lelase Belgium.

Udaba Esilethulelwe NguJoseph Njanji
please wait

No media source currently available

0:00 0:02:22 0:00

Facebook Forum

XS
SM
MD
LG