amalinks wokungena

Breaking News

'I-Zimbabwe Ibingamelanga Iyedlala ePakistan'


Abalandeli bomdlalo weCricket sebeveze imbono ehlukeneyo phezu kokwethekelela kweqembu leZimbabwe kwelePakistan ukuyadlala imidlalo eqala ngoLwesihlanu.

Abogatsha lweSports and Recreation Commission labogatsha olubona ngobudlelwano beZimbabwe lamanye amazwe bebexwayise leliqembu ukuthi lingayi ePakistan ngoba ezombangazwe zingamandla kuhle kulelolizwe.

Lokhu kulandela ukuhlaselwa kweqembu leSri Lanka ePakistan ngabahlamuki besiMoslem abedlulisa amalawulo ngo2009, kwalimala abadlali baleli qembu njalo kwafa amapholisa ayisithupha.

Kusukela lapho akula lizwe elidlala imidlalo yeTest Cricket elike lethekelela ePakistan.

Lanxa iqembu leZimbabwe belithe lalo kalisoze lihamba, limangalise uzulu ngokkugumbula umcabango.

Inhlanganiso ebona ngemidlalo yeCricket emhlabeni jikelele eyeInternational Cricket Council layo yalile ukuthumela iziphathamandla zayo ukuyakhokhelela limidlalo.

Amaqembu womabili azadlala imidlalo emibili eyeTwenty20 leyama One Day Internatinal emithathu.

Sixhume ingcwethi kwezemidlalo uEzra Tshisa Sibanda, ongomunye wabathi ngokuya kwelePakistan, iqembu leZimbabwe lifake impilo zabadlali balo engozini enkulu.

XS
SM
MD
LG