amalinks wokungena

Breaking News

AbeZimbabwe Bananza I-International Aids Candlelight Memorial


International Aids Candlelight Memorial

Abenhlanganiso kahulumende eqondisa imisebenzi yemikhankaso yokuvimba ukumemetheka kokuthelelanwa kwegcikwane lengculaza eleHIV/AIDS abe National Aids Council bemanyene lenhlanganiso yabaphila legcikwane lengculaza abe Zimbabwe National Network Of People Living with HIV, baqoqe uhlelo lokufola edholobheni lase Harare ngoLwesihlanu.

Lokhu kufola bekuhlose ukunanza usuku lokulayitha amakhandlela njengeskhumbuzo sabasitshiyayo ngenxa yomkhuhlane wengculaza, ele International Aids Clandlelight Memorial.

Lolu suku lunanzwa phansi kweziqondiso zomanyano wenhlanganiso zabaphila legcikwane lengculaza emhlabeni jiekelele oGlobal Network of People Living With HIV njalo lwaqala ukunanzwa ngomnyaka ka1983.

I-International Aids Candlelight Memorial lunanzwa emazweni edlula ikhulu emhlabeni jikelele uqoqwa zinhlanganiso ezehlukeneyo zabaphila lengculaza ezedlula inkulungwane lamakhulu amabili-1,200, ngelanga langesonto yesithathu kunyanga kaNkhenkhwezi kodwa eleZimbabwe elinge linye lamazwe ananza leli langa licabange ukulunanza ngoLwesihlanu mhlaka 11 Ntulikazi 2014, ngoba lehlulekile ukulunanza mhlaka 25 Nkhwenkwezi.

XS
SM
MD
LG