amalinks wokungena

Breaking News

IZimbabwe Inanza iWorld Aids Day Ebulenjini


World Aids Day

Abohlangothi lukahulumende olubona ngokuvimba ukumemetheka kokuthelelanwa kwegcikwane lengculaza, olweNational AIDS Council bamanyene lezinye inhlanganiso ezizimeleyo ezikulumsebenzi ekunanzeni ilanga leWorld AIDS Day, eHarare, eRainbow Towers bekhuthaza abasakhulayo ukuba bayekele umkhuba omubi wokuya emicimbini abayibiza ngokuthi ngamaVuzu Parties.

Ilanga leli linanzwa ngesikhathi umhlaba ubhekane lomunyebhubhane lweCovid-19 osuthe wahlasela inengi labantu wabulala njalo abantu abanengi ngesikhathi esincane kuthi eZimbabwe isihlasele ezikolo kodwa eMandebeleni idla amahabula.

Lonyaka ngenxa yokuqhamuka kweCovid 19 elizweni uhulumende wazise ukuba umkhosi omkhulu wokunanzwa kweWorld Aids Day uzakwenzelwa eHarare kuphela, abanye bonke kumagumbi amane elizwe ebukele okuphuma kumabonakude lasebulenjini.

UMqondisi weNational Aids Council koBulawayo, uNkosikazi Senatra Nyathi ukhuthaze abasakhulayo ukuba bahlukane lokuya emicimbini yamaVuzu Party lapho okubikwa abasakhulayo bephatheka emikhubeni yokuganga besiya emancansini bebanengi.

UNkosikazi Nyathi uchaza ukuba isilinganiso sokumemetheka kwegcikwane lengculaza ezweni sikutshumi lambili ekhulwini-12% njalo abantu abayisigidi esisodwa bakuhlelo lokutholiswa amaphilisi okwehlisa ukumemetheka kwegcikwane emzimbeni olweART.

“Lamhla lilanga lethu lokunanza iWorld AIDS DAY eHarare esiyinanza ngaphansi kwendikimba ethi “Global Solidarity Shared Responsibility. Ending AIDS by 2030. Izimbabwe isiyehlisile iprevelance yaya ku12.5 percent. Kulabantu abayi 1,4 million abaphila leHIV, Phakathi kwabo abedlula imillion bakuma ARV. Sibele locwaningo lweZimbabwe Population Based Impact assessment 2020 olusibonise ukuba sesizamile ukunqoba iHIV lokuyenelisa ukuthi abantu bazi isimo sabo, abalegcikwane bathole amaphilisi ukuze igcikwane lehle ezweni leZimbabwe.”

UNkosikazi Nyathi uqhubeke ethi bazimisele ukuqeda igcikwane lengculaza lapho kusiya fika umnyaka ka2030.

‘Sizimisele ukuqeda iHIV ngo2030, ngakho sithi asivaleni zonke impompi ezivuzayo iHIV ebantwaneni, ebadaleni lakumaArtist ukuze siqede lumkhuhlane ngo2030. NjengeNac sithi singatshiyimuntu phandle siqoqe wonke umuntu ukuze siqede lumkhuhlane. Yebo iCovid-19 ibuyile yasiphambanisa kakhulu kodwa thina sisebenza konke iHIV leCovid ukuze singabuyeli emuva singabambana sisebenze sonke ngenjongo eyodwa sizayinqoba iHIV leCOVID.”

UNkosikazi Nonjabulo Mahlangu obona ngokuqhutshwa kwenhlelo enhlanganisweni eyeCommunity Working Group on Health uxwayisa abasakhulayo ngokuziphatha.

“Thina njengabe Community Working Group sithi ezempilakahle lilungelo lakho lomlandu wokulodoloza. Sithi abasakhulayo bengathatheki ngamaVuzu parties. Abazali sicela banakekele abantwana bazi ukuthi bangaphi njalo baqakathekise impilo yabo ngazo zonke izikhathi.”

Umsekeli kamqondisi wohlangothi lwezempilakahle kukhansili yedolobho lakoBulawayo, uMnu. Khulamuzi Nyathi uchasisa kabanzi ngendlela abaphatha ngayo umkhankaso wokwenqabela ukuthelelanwa kwegcikwane lengculaza lalabo asebevele bephila legcikwane.

“Sekulephilisi esesilalo elimelana legcikwane leHIV njalo silipha kuwo wonke amakilinika njalo selapha lumkhuhlane mahala sisebenzelana lohulumende kunye lenhlanganiso ezizimeleyo.”

UNkosazana Thando Gwinji olwela amalungelo abatsha enhlanganisweni eyeInnovation Trust uthi ilanga lanamhlanje lisikhumbuza ukuba isasekhona impi yokuqeda ukuthelelanwa kweHIV ngoba lokhe bekhona abalokhe bebanjwa yileligcikwane.

"Ilanga leli liqakathekile kakhulu ngoba lokhe bekhona ababanjwa ligcikwane lengculaza ezweni lemhlabeni jikelele.EZimbabwe ungananzelela sikesisilele ngempahla yokuzivikela kulo umkhuhlane ngakho kuqakathekile ukuthi silinanze njalo sixoxe ngalo leligcikwane.”

UMongameli Emmerson Mnangagwa, emazwini akhe okunanza ilanga leWAD uchaze ukuba umkhuhlane weHIV usasekhona njalo ulokhe ubulala ngakho abantu abaqakathekise ukuzivikela kulo umkhuhlane kuthi abasehlelweni lokunatha amaphilisi okuzivikela balandele ukuwanatha njengokuqondiswa kwabo ngabezempilo hatshi ukuyengwa ngabathi bayelapha lumkhuhlane ngoba lokhu ungelapheki kodwa kulemithi eyenelisa ukwehlisa isilinganiso saleligcikwane emzimbeni phansi kohlelo lweART.

Ukhalaze ngokuthi ulusizi lonyaka umhlaba unanza iWAD ngapha uhlaselwe yiCovid-19 ngakho ilanga lalonyaka linanzwa ebulenjini ukuze kuvinjwe ukumemetheka kweCovid-19 yona elokhu isidla amahabula emhlabeni jikelele.

Inhlanganiso yeNAC iphakathi kokufeza uhlelo olwasungulwa ngomnyaka ka2015 kusiya ku2020 lwezinqumo zokulwisana lokumemetheka kokuthelelanwa kwegcikwane lengculaza ezweni. EleZimbabwe likhangelele ukuba kusiyafika umnyaka ka2030 inani labantu abathelelwa igcikwane lengculaza libe selehlile.

Ilanga lalonyaka ele World Aids Day belinanzwa ngaphansi kwendikimba ethi “Global solidarity shared Responsibility ending AIDS by 2030.

Udaba lokunanzwa kweWorld Aids Day siluphiwa nguAnnahstacia Ndlovu
please wait

No media source currently available

0:00 0:07:52 0:00

Facebook Forum

XS
SM
MD
LG