amalinks wokungena

Breaking News

Izisebenzi Zamankampani Azimeleyo Seziphoqwa Ukuhlatshwa Ijekiseni yeCovid-19 eNew York


Yon moun soti nan yon otobis vaksinasyon ki fe pati yon klinik mobil nan Midtown, Manhattan, Nouyok, 6 Desanm 2021.

Idolobho leNew York, eMelika, ngoMvulo liqale ukuphoqa izisebenzi zamankampani azimeleyo ukuthi zihlatshwe ijekiseni yeCovid-19.

Abaqhatshi abazatholakala bevumela izisebenzi ezingakahlatshwa ukuza emsebenzini bazajeziswa ngokubhadaliswa inkulungwane zamadola.

Umeya walelidolobho uMnu Bill de Blasio uthi wethule lumthetho ngenjongo yokwehlisa ukumemetheka kweCovid-19, khona athi kuphehlwa ngumkhakha omutsha oweOmicron kulezinsuku.

Izisebenzi zikahulumende kulelidolobho kudala zaphathwa yilumthetho.

UMongameli Joe Biden yena utshele umhlangano wabosibalukhulu bezabelo izolo ukuthi wenza konke akwenelisayo ukwehlisa lumkhuhlane, okugoqela ukuthumela abantu okokusebenzisa ukuzihlola iCovid-19 besezindlini ngaphandle kwembhadalo.

Usomabhizimusi weZimbabwe ohlala eMelika uMnu Muzobanzi Ncube utshele iStudio 7 ukuthi lanxa ezinye izisebenzi zisala ukuhlatshwa, kuqakathekile ukuthi zihlatshwe ukuze amankampani asebenze kuhle njalo lazo zivikeleke.

please wait

No media source currently available

0:00 0:02:38 0:00

Kusenjalo, ugatsha lweCenters for Disease Control and Prevention lwazise ukuthi solwehlise isikhathi abantu ababanjwe iCovid-19 kodwa bengelampawu zalumkhuhlane abamele bahlale ngaso bebodwa ku-isolation sisuka kunsuku ezilitshumi.

Khathesi sokumele bahlale amalanga amahlanu kuphela bengakahlangani lomphakathi.

Facebook Forum

XS
SM
MD
LG