amalinks wokungena

Breaking News

Abokuza Ababotshwa eGoli Bavunyelwa Ukuzikhipha Okusemthethweni eLindela


Izizalwane zeZimbabwe ezibuyela ekhaya ezise Beitbridge, Zimbabwe, April 24, 2015.

Izizalwane zamanye amazwe ezivalelwa eLindela Prison zingakabiswela lapho ezidabuka khona sezivunyelwa ukudinga imali yokugada okokuhambisa ezikufisayo zibuyele emakhaya zingameleli uhulumende weSouth Africa.

Bekuvele kusezandleni zikahulumende weSouth Africa ukubhadalela wonke umuntu ongena kuleyo ndawo abesephindiselwa elizweni lakhe ezimoteni zikahulumende.

Okwamanje uhlangothi olubona ngezomvikela lokwethekelelwa kwelizwe selibone kungcono ukuthi labo abafuna ukuphuma kuleyo ntilongo bazibhadalele.

Olemali yakhe ulakho ukugada amabhasi kumbe indizamtshina nxa ezibisela ngokwakhe eZimbabwe.

Bakhona abasanda kukwenza lokhu abedlula amatshumi amathathu ababhadale inkulungwane lamakhulu amahlanu amaRand eSouth Africa – R1,500 ukuthi babuyele eZimbabwe ngendizamtshina ye FlyAfrica.

Omunye wabo nguMnu. Nqobani Ndlovu othi wathwala nzima eLindela lapho okulabantu abanengi abavela emazweni anjenge Zimbabwe, Malawi leMozambique.

Uthi waphyma labanye bakhe bagada indizamtshina baya kwele Zimbabwe okwamalanga amalutshwana wabuyela njalo eSouth Africa.

"Kwakunzima ekhaya njengoba kungelamsebenzi. Sengise Goli khathesi lapho engizama engizama ukulungisa khona amaphepha okuhlala eSouth Africa."

XS
SM
MD
LG