Izizwalane zeZimbabwe ezihlala kweleBhithane zithi azisoze zibuyele ukuyahlala ekhaya njengalokhu ezazikukhangelele uMongameli Emmerson Mnangagwa engena esihlalweni kulandela ukuphela kwamalamga ezilikhulu esesiskhundleni kungela nguquko kwezomnotho welizwe.
Abanengi bathi ngaphandle kokusuzwa kwamapholisa emgwaqweni lokumiswa kokuhlukuluzwa kwabatshayeli yiwo amapholisa akulanguquko ebonakalayo kweleZimbabwe. Umnunzana Mthare Ncube ubengomunye obefisa ukubuyela ayehlala ekhaya
“Mina umahluko we100 days angikawuboni, ngoba isimo asikatshintshi, akulanto engangenza ngibuyele eZimbabwe ngalesisimo esiyiso sona.
Kusafanana loMugabe konke nje kuyazifananela akula ngitsho ngistho into etshintshileyo. Akulanto ayenzileyo uMnangagwa, utshela abantu amanga. Silokhu silindile ukubona izimali ezabantu abaphiwa i amnesty ukuthi ziyabuya na, akula update akulani.
Sokuyi more than 100 days ngoba i 3 months kuyabe kuyi 90 days so bekumele enga sithole ifeedback ukuthi sitholemalini , asebebotshwa ngozibani, asebegijinyiswa,” kutsho uNube.
UNkosazana Victoria Malaba uthi kukhona okuncane okutshintshileyo
“Mina ngokubona kwami ku 100 days leyi, esiyibona nje iphela, ngingathi into nje engiyibona itshintshile yikuba free, abantu bayakwanisa ukukhuluma into abayithandayo emafonini noma nje bezikhulumela bodwa, abantu sebefree.
Akusafani lakuqala ukuthi wawusesaba singasaqambi lamabizo abantu, lapho hayi ngiyavuma abantu bafree for that. Njalo siyabonga lezitimela lezo okuthiwa seziqalisile, kuthiwa izitimela sezihamba khonangapho eZimbabwe up and down which is very very good.
Yikho khonalokho okubili kuphela engingathi engathi ngizwe njalo ngibona engani yinto esingani sitshintshile. Okwemali lokho kuthiwa isikhona lalokho okunye okunengi hayi angilabufakazi lakho, angilabufakazi lakho, yiwo umbono wami engilawo,” kutsho uMalaba.
Abanye esikhulume labo bathi akuqondakali okweZimbabwe. UMnunzana Lee Shlahla ukhala labanengi
Kutsho uShlahla: “Lapha akulanto esitshintshile la, akula zwi lutho, ezibhedlela lokhe kungelamithi, imali lokhu ihlupha njalo.
Abantwana besikolo kufanele sibathumele izimali bahambe eskolweni. Lapha kukhanya engathi akulanto ezayenzakala la. LoGovernment ulokhe epromisa nje but lento ayipromisayo kayibonakali. l think ukuthi abantu babone ukuthi baya register ukuthi bavote.
Otherwise lapho akulanto ezayenzakala la, kuyahlala kunje so eZimbabwe asisebenzeni madoda sivotemi registani livote”
Kukhanya izizalwane zeZimbabwe kuleli ezilezihlobo ekhaya basezaqhubekela phambili bethumela imali yokusiza imuli zabo kweleZimbabwe ngoba akulanto esiguqukile njalo akukatshintshi lutho.