Izizalwane zeZimbabwe ezihlala eBhilithani lenhlangansio ezisebenzela uzulu zihlonitshwe ngokunikwa imivuzo zinconywa ngemisebenzi yazo emihle yokusebenzela ukuthuthukisa isizwe emkhosini owe Zim Achievers Awards owenzelwe eLondon ngempelasonto.
Bekulabosomabhizinisi abanengi abagoqela uNkosikazi Tsitsi Masiyiwa umkaMnu. Strive Masiwa, umnini wenkampani kamakhalekhukhwini eye Econet Wireless, yena obemenywe ukuba yisikhulumi esiqakathekileyo kulumcimbi.
Lonyaka ngumnyaka wesitshiyagalombili umkhosi wemivuzo yeZim Achievers usenziwa kweleBhilithane.
UMnu. Conrad Mwanza, umgcinisihlalo we Zim Achievers, uthi uqhutshwe kahle umcimbi we Zim Achievers Awards lonyaka.
“Uhambe kuhle kakhulu ngoba ubonile ukuthi bekulo Mrs. Masiyiwa as a guest of owner for thina it was a very big endorsement ukuthi ubuyile kuZim Achievers ungakhangela kahle lokuthi uMrs. Masiyiwa ifamily yonke kaMasiyiwa this was ifirst public event by the Masiyiwas ukuthi babuye sibabone.”
UMwanza uthi umcimbi lo wenziwa emazweni atshiyeneyo.
“IZim Achievers yenzakala eSouth Africa, eAustralia, eUS lase United Kingdom. Sisemazweni or sisekhaya sonke singamaZimbabweans singakhona ukutshitsha ilizwe if we work together somehow. So ngiyaenkareja ukuthi singakhangeli ipolitics same time sikhangele beyond ipolitics kumbe ngumuntu weZANU , kumbe ngumuntu weMDC, ungoweZAPU, ngowe ZANU Ndonga sonke singama Zimbabweans sonke sifuna ukuthi ilizwe liphumelele.”
Zinengi izizalwane zeZimbabwe ezinikezwe imivuzo kulumcimbi ngemisebenzi yazo emihle eziyenzelwa uzulu.
“Ibizo lami ngingu Duduzile Sibanda. Ngiwine iZim Panel's Choice Award kuma Zim Awards eUk. Ngile Bridal shop eSussex … Ishop yami ngayi sungula ngo2010 and ise Bergeshill eSussex … Ngithengisa izigqoko zabo makoti, ezabakhaphi, eze Prom konke okokuceca kwelanga elihle.”
Sixoxe lomunye ojabule kakhulu ngokuthola imivuzo emibili kulumcimbi.
“Igama lami nguSithule Tshuma. Sithole umvuzo weCommunity Award lapha eUK. Sithole leyeQoki ziNdlovukazi Community Organization. Sincedisa into zeCharity, ukunceda abantu abagulayo lapha, sincede izibhedlela ekhaya labantu abayabe behlupheka ngamaphepha loba yini nje siyazama ukuthi sibancedise ngalapha esenelisa khona.”
UNkosikazi Tsitsi Masiyiwa uqonqosele ukuthi izizalwane zeZimbabwe esezathuthela emazweni kumele zisebenze zikhumbula ekhaya ukuthi abantu bayahlupheka bafuna usizo lwabo njalo bakwazi ukuthi kumele baphatheke ekuthuthukisweni kweZimbabwe.