Ezinye izakhamizi zeBulilima ePlumtree zithi zidinga uncedo ngemva kokudilikelwa yizindlu lokulahlekelwa yizifuyo kulandela ukuna kwezulu elinengi kumalanga ambalwa edluleyo kulindawo.
Lokhu kwenzakale ku ward eight eHuwana njalo kwake kwaba lesehlakalo esifanayo ngesikhathi lesi eminyakeni edluleyo endaweni ezibalisa iNdolwane, Mbimba, Khame le Madlambuzi.
Eminye njalo imizi eduzane lemfula uManzamnyama, Thekwane le Maitengwe yadilika ngomnyaka odluleyo ngesizatho esifanayo.
Uhulumende ubikwa esithi izindlu ezidilikileyo ngezakhiwe ngomdaka zafulelwa ngotshani njalo inengi labathinteke kulesi isehlakalo belivele lithola usizo lokudla, olwe drought relief kuye.
Wengeze wathi akulabantu abalimeleyo njalo inengi liyenqaba ukuthuthela endaweni ezikhuphukileyo.
Kodwa uMnu. Trymore Mpofu, isakhamuzi sePlumtree, njalo eyisiphathamandla sebandla leMDC Alliance uthi akucaci ukuthi abantu bazakuya ngaphi.
