amalinks wokungena

Breaking News

'Izulu Lesiphepho seCyclone Eloise Lilakho Ukudala Umonakalo eMatabeleland South'


Veículos submersos na Beira, Moçambique, depois da passagem do ciclone Eloise. 23 Janeiro 2021

Izakhamazi zemaphandleni eMatabeleland South zithi izulu elichitheka mihla ngemihla selibulele izilimo.

Zithi njalo zesabela ukuthi isiphepho esaziwa ngokuthi yiCyclone Eloise esikhangelelwe ukuletha izulu elinengi kulumhlobo ngalimpelasonto, sizakwengeza umonakalo ovele usukhona.

UMnu Lovemore Ncube isakhamuzi seMatobo thi bahlalele evalweni.

“Indaba le yeCyclone iyasethusa kakhulu ngoba phansi ngendlela okumanzi ngakhona siba lovalo lokuthi ingawisa izindlu ikhukhule lasemasimini,” kutsho uMnu Ncube.

Esigabeni seNtalale eGwanda South uMnu Brighton Nare utshele iStudio 7 ukuthi lanxa abanengi besithi abasoze bavune lutho lonyaka, abanye bazavuna kusiya ngomhlabathi walapho abalime khona.

“Lonyaka izulu liyana sibili okuzwayo, izulu linile sibili okokuthi abanye abasendaweni ezingathi zilutshebetshebe sebekhala ngoba amabele sebomvu okokuthi ngabe bayathola uncedo lwemvundiso,” kutsho uNare.

Isakhamuzi seMawane phansi kweNduna uNhlamba, uMnu Gabriel Luphondo laye uthi isimo sesisibi kakhulu emasimini.

“Besikhangelele ukuthi njengoba izulu lisina abantu bazathola sike siyekele ukukhala manje nanko ke amabele sebomvu,” kutsho uLuphondo.

Ngaphandle kodubo lwezulu elinengi, ingcwethi ebona ngezokulima ezansi yemaNdebeleni kugatsha lukahulumende olweAgritex, uMnu Mkhunjulelwa Ndlovu ubike kuliviki ukuthi abalimi babhekane njalo lodubo lwemihogoyi esihlasela umumbu.

Uthe kunzima ukuyibulala limihogoyi ngemithi ngenxa yezulu elina njalonje.

Osaphethe isihlalo somqondisi wesabelo sezansi yemaNdebeleni uMnu Peter Mahlathini uthi kwezinye indawo kulesisabelo ezifana leInsiza kuzafunakala indizamtshina zokuhlenga uzulu nxa iCyclone ingabuya ngamandla.

Umbiko okhitshwe nguMahlathini uveza njalo ukuthi kulodubo lokusilela kwezimota kanye lamafutha azo lokudla ukuze basize labo abangehlelwa yingozi.

please wait

No media source currently available

0:00 0:03:33 0:00

Facebook Forum

XS
SM
MD
LG