amalinks wokungena

Breaking News

Inkantolo yeHigh Court Ilahla Isicelo Sika Zuma Esokuthi Engavalelwa Entilongweni


Sebesidla amalahla abalandeli baka Mnu. jacob Zuma ovalelwe entilongweni. (Reuters)
Sebesidla amalahla abalandeli baka Mnu. jacob Zuma ovalelwe entilongweni. (Reuters)

Inkantolo yeHigh Court isilahle isicelo sika Mnu. Jacob Zuma, owayengumongameli wakwele South, ukuba engavalelwa entilongweni.

Lokhu kwenzakala ngesikhathi sokuqhamuke udlakela Kwazulu Natal okulabanye abantu abathi kumele uZuma akhululwe entilongweni.

Inkampani yezindaba eyeReuters ithi umthethwandaba kawuvezanga izizatho zokulahlwa kwesicelo sika Zuma, owahamba emapholiseni ngoLwesithathu wayavalelwa eEscourt Correctional Services Center. UZuma wala ukuyamiswa kukhomishini ehlolisisa ubukhohlakali abetheswayo. Inkantalo yeConstitutional Court yamgweba ukuba avalelwe entilongweni okwenyanga ezilitshumi lanhlanu. UMnu. Matshobana Ncube, ingqwetha elilwela ilungelo loluntu, uthi akumangalisi okwethulwe yinkantolo yeHigh Court.

Lokhu kusekelwa nguMnu. Believe Gaule, okubandla leZanu PF, othi ukubotshwa kuka Zuma kuveza ukuba eleSouth Africa lilandela imithetho.

Kodwa uMnu. Joseph Tshuma laye okubandla leZanu PF, uyakusola ukubotshwa kuka Zuma. Uthi kaluqedakali udaba luka Zuma.

Kusenjalo, kuyaxokozela Kwazulu Natal okulabalandeli baka Zuma abanengi abatshengisela emigwaqweni besola ukubotshwa kwakhe. Bathi bazatshengisela uZuma aze akhululwe entilongweni.

Inkantolo Iyala Ukukhulula uZuma
please wait

No media source currently available

0:00 0:02:07 0:00


XS
SM
MD
LG