amalinks wokungena

Breaking News

UJob Sikhala Uvalelwa Yinkantolo Ethi Kumele Athoniswe Icala Lokuzama Ukugenqula Uhulumende


Sikhala and some of the MDC supporters outside the Bikita Magistrates Court ...
Sikhala and some of the MDC supporters outside the Bikita Magistrates Court ...

UMnu. Job Sikhala, umsekeli womgcinisihlalo webandla leMovement for Democratic Change (MDC) elikhokhelwa nguMnu. Nelson Chamisa, ngoLWesine umiswe emthethwandaba wavalelwa entilongweni esetheswa icala lokuzama ukugenqula uhulumende kaMongameli Emmerson Mnangagwa.

UMnu. Job Sikhala ungena enkantolo eBikita esabelweni seMasvingo ...
UMnu. Job Sikhala ungena enkantolo eBikita esabelweni seMasvingo ...

USikhala uvalelwe entilongweni yeMasvingo Remand Prison kulandela ukwethulwa kwecala lakhe ngumtshutshisi uMnu. Elson Chabarika, othe uSikhala wethulela uzulu umbiko wokuthi ibandla lakhe lizasusa uMongameli Emmerson Mnangagwa eBikita esabelweni seMasvingo kungakenziwa ukhetho ngomnyaka ka2023.

UMantshi womthethwandaba eBikita, uMnu. Marewanazvo Gofa, uthe uSikhala kumele athoniswe icala leli evalelwe entilongweni kuze kuyefika mhla zingamatshumi amabili lane kuNtulikazi.

UJob Sikhala lamagqwetha akhe ...
UJob Sikhala lamagqwetha akhe ...

Amagqwetha akhe – uMnu. Aleck Mucadahama, uMnu. Harrison Nkomo, uMnu. Douglas Mwonzora, uMnu. Jeremiah Bamu loMnu. Tinomuda Shoko sebephanyeke udaba lolu emthethwandaba weHigh Court eMasvingo.

Bafuna ukuthi uSikhala aphiwe isibambiso sebail.

Some people outside the Bikita Magistrates Court in Masvingo.
Some people outside the Bikita Magistrates Court in Masvingo.

Okwamanje, uSikhala uvalelwe eMasvingo Remand Prison. Utshele inkantolo ukuthi ufakwe izankosi, insimbi enyaweni njalo wasefakwa isaka ekhanda walindwa ngabantu abahlomileyo ngesikhathi ehanjiswa eMasvingo ngamapholisa ambophe eHarare.

Uthe uncitshwe ukudla njalo lamaphilisi okwelapha isifo seHigh Blood Pressure okwensuku ezimbili.

Amagqwetha akhe athe amapholisa ephule umthetho ngokuphuza ukumisa uSikhala enkantolo.

Kusenjalo, uOstallos Siziba, unobhala jikelele webandla leMDC, usephiwe isibambiso sebail kulandela ukwetheswa kwakhe icala lokuthi uzama ukugenqula uhulumende kaMnangagwa.

XS
SM
MD
LG