amalinks wokungena

Breaking News

UBiden Wamukela Ukukhethwa Ngama Democrats Ukuba Ancintise Kukhetho Lukamongameli


Democratic presidential candidate and former Vice President Joe Biden, his wife Jill Biden, U.S. Senator and Democratic candidate for Vice President Kamala Harris and her husband Douglas Emhoff celebrate after Joe Biden accepted the 2020 Democratic presidential nomination

UMnu. Joe Biden useyamukele isicelo sabalandeli bebandla lama Democrats ukuba alimele kukhetho lukamongameli oluzakwenziwa lonyaka ngoLwezi.

UBiden wenze lokhu eseDellaware emhlanganweni webandla lama Democrats obusenzelwa ebulenjini bokuxhumana ngenxa yokumemetheka komkhuhlane weCOVID-19.

UBiden uthi uzamela abantu bonke kwele Melika hatshi okwenziwa nguMongameli Donald Trump athi udonsa nzima emsebenzini wakhe.

“Sokulesikhathi eside abantu bezondile. Abantu bethithibele, abantu behlukene. Ngiyalithembisa khonamanje ukuthi lingangikhetha ngizasebenza gadalala ukuthi sibengabantu abazwayo hatshi abantu abalwayo. Ngizabayisibani sokukhanya hatshi esobunyama. Sokuyisikhathi sokuthi sonke sibambane sisebenze ndawonye. Nxa singabambana sizaphumelela. Ngizalisebenzela. Ngiyamukela elingethese khona ukuba ngumongameli wakwele Melika.”

Ucela abantu ukuthi bamvotela kukhetho lolu ukwenzela ukulungisa okunengi athi sokubhidlizwe nguTrump.

Omunye wababukela uBiden esethula umbiko wakhe, uNkosikazi Priscillah Ndlovu, uthi uBiden ukhangelelwe ukuthi uzanqoba kukhetho oluzayo.

Lokhu kusekelwa nguMnu. Busani Moyo othi kukhanya okwamanje abalandeli bebandla lama Democrats bebambene okwedlula ngesikhathi uNkosikazi Hillary Clinton encintisana loTrump ngomnyaka ka2016.

Kodwa uTrump uthi uBiden enganqoba nxa ibandla lama Democrats lingaqilibezela kukhetho oluzayo. Uthi ozancintisa esekela uBiden, uNkosikazi Kamala Harris, kazi lutho kwezombangwazwe njengo Biden.

“Kuyamangalisa ukuthi uJoe Biden wakhetha umama lo ukuthi amcedise ukuncintisa kukhetho. Engama ngconywana kulo Biden obona ntuthu. Kuyamangalisa lokhu.”

Udaba Esilethulelwe NguGibbs Dube
please wait

No media source currently available

0:00 0:03:39 0:00


UTrump ukhangelelwe ukuthi uzakhuluma emhlanganweni webandla lama Republicans oweRepublican National Convention ngeviki ezayo.

Facebook Forum

XS
SM
MD
LG