amalinks wokungena

Breaking News

Sesivaliwe Isikolo seJohn Tallack Okuqhamuke iCOVID-19


Sezivaliwe isikolo seJohn Tallach High School esiduzane lakoBulawayo okulabantwana abafika phose ikhulu lamatshumi amabili – 118 abahlolwe batholakala belomkhuhlane weCOVID-19.

UDokotela Munekayi Padingani, umqondisi wezempilakahle esabelweni seMatabeleland North, uthe bavele isikolo lesi ukwenzela ukunqabela ukumemetheka komkhuhlane lo.

“Namuhla inani labafundi asebetholakale bele COVID eJohn Tallach School seliqanse laya ku118 njalo ihungahunga elokuthi kulomntwana obhubhileyo lingamanga. Nxa lokhu kungenzakala sizakhipha umbiko silandela indlela eziqondileyo. Okwamanje esikolo kule kilinika esesiyenzile lapho abafundi abathola usizo khona njalo isikolo sivaliwe akulamuntu ovunyelwa ukungena laloba khungumzali.”

Omunye wabazali olomtwana ofunda ibanga lesithathu esikolo lesi, uNkosikazi Evidence Dube, uthi abaphathi besikolo labezempilakahle baveze ukuba abantwana abasavunyelwa ukuphuma esikolo lobanje kulabanye ababuyele abadabuka khona.

“ICOVID yinto ephilayo njalo sihlala layo phakathi kwethu. Ngilomtwana oseJohn Tallach. Owami uphakathi kayenelisanga ukuthi ephume loba abanye abatest positive bathethwe ngabazali babo basezindlini. So, laba abaseleyo labo umthetho uthi akumelanga bephume kumele bahlale phakathi. Into ebuhlungu ngomkhuhlane lowu oweCOVID yikuthi ulakho ukungatshengiseli ama symptoms kodwa ulawo. Ngizwela abazali alabantwana abasema boarding schools ukuthi kuyenzakala ukuthi abantwabenu lilokhe lihlezi lisithi baziphilele kanti hayi sebegula. Siyacela ukuthi kweziwe iscreening sikwazi isimo sabo. Asikwazi ukuthi ngosuku olunye umtwana uyavuka enjani.”

UMfundisi Useni Sibanda, umqondisi womanyano wabezinkonzo zesiKhristu, owe Zimbabwe Christian Alliance, uthi bahambile befuna ukuyaphathisa ngempahla ezigoqela amasanitiser lokunye kodwa abavunyelwanga ukungena esikolo.

Uthe njalo badinga abazali abalabantwana esikolo ukuthi babaphathise ngeCounselling.

Kusenjalo, iIdolobho lakoBulawayo lokhu liyilo elikhokhelayo ngenani labantu ababulawa yiCOVID-19, kulezinsuku.

Ugatsha lwezempilakahle luthi kulabangamatshumi edlula amathathu - 36, abafunyanwe beleCOVID-19, kwabahlolwe ngokutshona kwelanga layizolo kanye loyedwa obulewe yilumkhuhlane eMasvingo ngoLwesithathu.

Facebook Forum

XS
SM
MD
LG