amalinks wokungena

Breaking News

UBiden Ukhangelelwe Ukwethula Inhlelo Zakhe Edale leCongress eMelika


UMongameli Joseph Biden

UMongameli Joseph Biden namuhla kusihlwa ukhangelelwwe ukuthi uzakhuluma lamalunga eHouse of Representatives lawe Senate ngokuphathelane lokwenzekala eMelika lemhlabeni wonke jikelele.

Lokhu ngokokuqala ukuba uBiden ekhulume edale leCongress selokhu wangena esikhundleni sikamongameli ngoZibandlela lonyaka kulandela ukuzama ukuguqula impumela yokhetho ngowayengumongameli uMnu. Donald Trump labalandeli bakhe ,abangena edale leli ngenkani kubalwa amaElectoral Votes.

Amapholisa, amasotsha labanye abakhangelane ngezomvikela bagcwele phandle laphakathi edale leli besenzela ukuvimba abalakho ukuzama ukwenza udlakela namuhla kusihlwa.

UNkosazana Jen Saki, isikhulumeli sikamongameli, uthi uBiden ukhangelelwe ukukhuluma ngokuzimisele kwelizwe leMelika ekulondolozeni ukuthula lokunye emhlabeni wonke jikelele, akwenzela abantu elizweni leli njalo lokuthi kumele abantu balwisane njani lomkhuhlane weCOVID-19.

UMnu. Busani Mbuso Ntini, odabuka eZimbabwe ohlala eMelika uthi kunengi okuzakhulunywa nguBiden.

UNtini uthi uBiden ufisa ukuba abantwana bafunde kungelanhlawulo emakolishini njalo labosomabhizimusi abalamankampani amakhulu bakhokhe imali ephezulu yomthelo weTax.

UMnu. Den Moyo, olandela ezombangazwe kwele Melika, ulombono ofanayo.

UMoyo ugcizelele esithi …

Kukhangelelwe ukuba uSenator Tim Scott, okubandla lama Republicans, uzakwethula umbiko oqakathekileyo webandla leli ekhuluma ngokuvezwe nguBiden kudale leCongress.

UScott ulakho ukukhuluma ngodaba lomthelo weTax, ukubulawa kuka George Floyd lipholisa elisanda kutholakala lilamacala ambalwa, lokunye.

Facebook Forum

XS
SM
MD
LG