amalinks wokungena

Breaking News

Sibangilizwe Nkomo: UJoshua Nkomo Kazange Alwele Lokhu Okwenzakala eZimbabwe


Umuyi uJoshua Nkomo.

Indodana kamuyi uJoshua Mqabuko Nyongolo Nkomo ithi okwenzakala eZimbabwe kayisikho okwalwelwa nguyise labanye abalwa impi yenkululeko.

UMnu. Sibangilizwe Nkomo wethule amazwi la ngesikhathi uzulu ekhumbula okwenziwa nguNkomo owayesaziwa ngokuthi ngumdalawethu, uChibwechitedza lamanye amagama ayencoma imisebenzi yakhe emihle.

UNkomo wabhubha mhlaka 1 Ntulikazi 1999 esengumsekeli kamongameli welizwe leZimbabwe.

Indodana yakhe ithi ilizwe leZimbabwe lalingeke libhekane lokugugudeka komnotho okunje ngabe inkokheli yelizwe yalandela okwakufiswa nguNkomo elwela ilizwe njalo ilizwe selithole uzibuse.

Ingxoxo Esiyenze LoMnu. Sibangilizwe Nkomo
please wait

No media source currently available

0:00 0:02:47 0:00

UMnu. Simon Khaya Moyo webandla leZanu PF uthi kuqakathekile ukuthi ilizwe leZimbabwe linanze usuku lokubhubha kukaNkomo. Lokhu kusekelwa nguMnu. Joseph Tshuma, owayemela iPelandaba-Mpopoma edale lephalamende ekubandla leZanu PF.

Ingxoxo Esiyenze LoMnu. Joseph Tshuma
please wait

No media source currently available

0:00 0:02:17 0:00

UNkomo wayekhokhela ibandla leZapu ngesikhathi owayengumongali uMnu. Robert Mugabe efaka ibutho leGukurahundi eMatabeleland leNkabazwe esithi uNkomo wayefuna ukumsusa embusweni ngenkani.

Facebook Forum

XS
SM
MD
LG