amalinks wokungena

Breaking News

Kulabantu Abathi Kabakwazi Ukuthi Bazavotela Bani Kukhetho Oluzayo


Abanye abantu abavota ngomnyaka ka2013.

Abantu abanengi bathi kabakwazi ukuthi bazavotela bani loba nje sokusele inyanga phose ezintathu ukuthi kwenziwe ukhetho lokudinga umongameli omutsha kwele Zimbabwe.

IStudio 7 yenze uphenyo namhla lopho exoxa khona lozulu idingisisa ukuthi abantu bazavotela bani kukhetho oluzayo, ikakhulu lokudinga umongameli omutsha. Uphenyo lolu luveze ukuthi abantu kabakakhethi umuntu abazamvotela lobanje kulabanye abathi bazavotela uMongameli Emmerson Mnangagwa.

Omunye wabaxoxe leStudio 7, uNkosikazi Duduzile Zondo, uthi kakalungeli ukuvota ngenxa yokuthi akalalwazi lokuthi abantu abazavotelwa ngobani. Uthi uMnangagwa uyamsola ngoba wathembisa ukuthi umnotho welizwe uzathuthuka engangena esikhundleni sikamongameli kodwa lokhe kungela nguquko elizweni.

Esinye njalo isakhamuzi sakoBulawayo, uMnu. Ndumiso Ncube, uthi kakwazi ukuthi uzavotela bani. Uthi abantu abakhankasayo banengi kakhulu njalo izithembiso zabo azicaci kahle.

UMnu. Sipho Masina yena uthi usekela ibandla leZanu PF njalo uzavotela uMnangagwa ngoba ubona kungcono ukuthi akhokhelwe ngumuntu amaziyo kulokudinga umuntu ozaqala phansi ukona.

Omunye njalo osekela ibandla leZanu PF, uNkosikazi Rebecca Nyoni, uthi uzavotela uMnangagwa ngoba usebona utshintsho njalo amankampani amanengi asevuliwe. Uthi uMnangagwa ngumuntu otshengisa ukukhula.

Loba uzulu etshengisa ukuthi kakaboni kahle ngokhetho oluzayo, abahlaziya ezombusazwe bathi ubunengi bamabandla ezombusazwe kuphambanisa abantu.

Udaba Esilethulelwe NguBathule Masuku
please wait

No media source currently available

0:00 0:03:11 0:00

Facebook Forum

XS
SM
MD
LG