amalinks wokungena

Breaking News

Abathengisayo: Ukukhulumisana Kungaqeda Udubo Lokuthengisela Ndawo Yonke


Abaphila ngokuthengisa ezitaladeni

Abaphila ngokuthengisa ezitaladeni eHarare bathi inye kuphela indlela engaqeda udubo lokuthengisela ndawana yonke emadolobheni. Leyo ndlela ngeyokukhulumisana phakathi kukahulumende lamakhansili ukuze kuphunywe lecebo elingcono elingalungisisa loludaba besithi lokhu nxa kungenziwanga abayindawo.

Kulandela ukwedlula kwelanga elibekwe nguhulumende lokuba abathengisela emigwaqweni yamadolobha bephume bephele lingakafiki lababantu lokhe bephithizela njengenhlalayenza ngoMvulo bezithengisela.

Ikhansili yeHarare ithi isibiza amapolisa ukuba ezobasusa ezitaladeni kodwa umqondisi wenhlanganiso emela abantu abaphila ngokuthengisa eye Zimbabwe Informal Sector Organization-Ziso, umnumzana Promise Mkhwananzi uthi abayindawo:

Isiphathamandla esibona ngemisebenzi yenhlanganiso ye Crisis in Zimbabwe Coalition umnumzana Nixon Nyikadzino uthi ukusebenzisa amapolisa akusoke kuphathise ngalutho ngoba bezaxotsha abantu bephenduke kusasa kwankona bafumane sebegcwele njalo bezithengisela okuzacina kubangela ukuba uhulumende elahlekelwa yimali ngokuphinda phinda into eyodwa bengakhulumelani labantu:

UMkhwananzi uthi kulandela incwadi abayibhalela uhulumende ngeviki edluleyo becela umhlangano wokukhulumisana ngaloludaba phakathi kukahulumende, amalunga abo labosomabhizimusi ukuze balungisise loludaba abakatholi impendulo:

UNyikadzino uthi inhlanganiso yakhe ikhuthaza ukukhulumisana njengendlela engaphuma lecebo elingcono lokuthi lolu daba luphathwe njani ngoba ukukhipha abantu nje kuzabangela ukuba abanye abatsha bazibuyele ukuyasebenzela ndawo yinye laloba kusitsho ukutshona begijimisana lamapholisa.

Uhulumende obhekana lodubo lokwanda kwabantu ababonakala bethengisa ezitaladeni zamadolobha amanengi elizwe mahlayana bengelamvumo, ulaye omasipala elizweni ukuba babasuse lababantu ezitaladeni zimhlaka 26 kuyonale inyanga. Ngakwelinye icele laba bantu bathi abayindawo ngoba bezama ukuphila elizweni elingela misebenzi.

Ibandla le Zanu PF lathembisa ukusungula imisebenzi edlula izigidi ezimbili ngesikhathi likhankasela amavoti kukhetho kodwa kuze kubelamhlanje akukho okukhanya kusenzakala kuloludaba.

please wait

No media source currently available

0:00 0:03:37 0:00
Lapho esitholakala khona

Lanxa ilanga langoLwesihlanu ebelibekwe nguhulumende ukuthi bonke abaphila ngokuthengisa besezitaladeni kumele babe sebengasekho namhla emadolobheni amakhulu agoqela eleHarare lakoBulawayo abantu bebezithengisela kungela nkinga.

Inhlanganiso ye National Vendors Union Zimbabwe ithi kulezinye izigilamkhuba ezibhadalisa uzulu imali zisithi ngeyokuphiwa izitanda.

UChris Gande weStudio Seven uxoxe lomphathintambo wezamabhizimusi amancane, uNkosikazi Sithembiso Nyoni othi uhulumende kasoze axotshe abantu abathengisa ezitaladeni ngoba efuna ukuqala abadingele indawo zokuthengisela kuqala.

please wait

No media source currently available

0:00 0:02:15 0:00
Lapho esitholakala khona

XS
SM
MD
LG