Abesifazane bakhala ngokuthi abaphiwa ithuba lokukhokhela kwezombusazwe njalo kabasekeleni.
Kodwa abanye ngabathi ilizwe leZimbabwe vele lisakhatshana ukuthi libuswe ngumuntu wesifazane.
Kodwa phansi kwesivumelwano seSADC kumele abesifaze bebengokungamatshumi amahlanu ezikhundleni zonke ezibalisa ezedale lephalamende lakumakhansili.
Kuzwekazi le Africa linye nje kuphela ilizwe elenelise ukuba labesifazane abedlula abesilisa – ele Rwanda.
Sixoxe lolwela ilungelo labesifazane, uNkosikazi Priscillah Mtungwa Ndlovu ukuze sizwe umbono wakhe ngaloludaba.
“Ngesikhathi samakhiwa sasihamba ukuyalima emasimini thina omama sigcina abantwana, obaba befunda, besebenza besiba le independence. Thina silokhu sisalela emuva,” kutsho uNdlovu.
Uthi kwesinye isikhathi umama uyabe elalo ulwazi ekhaliphile kodwa kuthiwe hayi kumele umama engami phamili kwabantu.
Uthi njalo bakhona abanye abesifazane abakhangelela phansi abanye omama.
“ngekhaya nxa kungela mali yokuthi abantwana beye esikolo kukhethwa ongumfana ukuthi aye esikolo oyinkazana kuthi ahlale emelele ukuyenda,” kutsho uNldovu.
Uthi isiphatho sokubandlulula amantombazana labafana yikho okwenza kube lodubo olukhona namhlanje lakwezombusazwe.
