amalinks wokungena

Breaking News

Kambe Ibhanga Labesifazane Lingaba Liyiqhinga Lokukhankasa Na?


Imali

Ukusungulwa kwebhanga labesifazane ele Zimbabwe Women’s Microfinance Bank sekutshiye abanye besithi bazoyicela isivuthiwe ngoba uhulumende usengohlala engathembi okukhulunywa nguhulumende, ikakhulu ngesikhathi sokukhnkasela ukhetho.

Kodwa abanye ngabathi inyathelo leli liyancomeka ngoba litshengisa ukuba uhulumende uyanakelela abesifazane lanxa engelamali.

Ingcwethi ecubungula ezomnotho welizwe, uMnu. Masimba Kuchera utshele iStudio Seven ukuthi ibhanga leli lingaphathisa uzulu nxa lingasebenza kuhle.

“Ngibona kulecebo elikhle kakhulu, engakwaziyo yikuthi uhulumende ulayo na imali eyokwenza iprogram enjengaleyo,” kutsho uKuchera.

Kodwa omunye owesifazane, uNkosazana Rita Ndlovu uthi akuthembisi ukuthi lelibhanga lizasebenza ngemfanelo ngoba lisungulwe ngesikhathi esingayisiso.

“Singazi angitsho sonke isikhathi nxa kukhampenwa kuyaphuma izinto ezinengi. Singazi ukuthi kuleqiniso yini ngoba kulontshwe eHarare kuphela asazi ukuthi ko Bulawayo kuzahamba njani,” kutsho uNdlovu.

UKuchera uthi lanxa bekulengxaki ekusungulweni kwebhanga leli ukusungulwa kwalo ngemva kweminyaka eminengi lokhu kutshengisa ukuthi lilakho ukusebenza nxa imali ingatholakala.

“Liqiniso ukuthi yingqondo eyaqala kudala ubaba uMugabe esasekhona ngoba 2014, 2015 sabona iboard ikhethwa last year. Kodwa udubo yikuthi inhlelo ezinje uhulumende uyabe engalamali eyeneleyo,” kutsho uKuchera.

Ibhanga leli likhangelelwa ukuphathisa abesifazane kunye labasakhulayo ukuthi bathole imali yokusungula amabhizimusi amancane.

please wait

No media source currently available

0:00 0:03:34 0:00

Facebook Forum

XS
SM
MD
LG