amalinks wokungena

Breaking News

Kambe Kuliqiniso Na Ukuthi Umongameli Mnangagwa Wahlangana loMnu. Morgan Tsvangirai Ukuthi Badlulisele Phambili Ukhetho?


UMongameli Emmerson Mnangagwa uhlangana loMnu. Morgan Tsvangirai endlini kaTsvangirai ogulayo.

Kambe kungaba kuliqiniso na ukuthi umongameli Emmerson Mnangagwa wahlangana loMnu. Morgan Tsvangirai ukuthi bavumelane ukudlulisela ukhetho okweminyaka emithathu?

Lokhu kukhulunywe ngowayengumphathintambo wezemfundo yaphezulu, uMnu. Jonathan Moyo izolo emsakazweni we BBC kuhlelo Hard Talk.

Ibandla leMDC-T liyayilandula limbiko. UMoyo uveze ukuba waphunyuka njani mhla amasotsha ezomgudula emzini wakhe eHarare.

UTsvangirai wahlangana loMongameli Mnangagwa ngeviki edluleyo kodwa akucacanga ukuthi bakhulumangani.

UMoyo utshele wacetshiswa ngabanye abakubutho bamtshela ukuthi angalali emzini wakhe waya kumngane wakhe, uMnu. Savior Kasukuwere lapho abahlaselwa khona ngamsotsha ayehlomile isikhathi sikobo half past two emadabuka kusa, ahaza inhlamvu indawana yonke okwemizuzo elitshumi lanhlanu.

Zithe sezithuli ukuduma ingwagwa yikho ababaleka khona oMoyo lemuli ka Kasukuwere bencediswa ngabanye njalo ababekuhulumende angafunanga ukubabetha amagama.

UMoyo walile ukuveza ukuthi ungaphi kodwa bekuzwakala kukhala amaqhude leinja zikhonkotha okungakhomba ukuba usesemakhaya.

Sixoxe lengcwethi ecubungula ezombusazwe, uMnu. Max Mkandla ukuze sizwe ukuthi yena amazwi kaMoyo uwezwe njani?

"Imbiko ka Jonathan Moyo leyi imumethe okunengi okwenzakalayo lokuzakwenzkala," kutsho uMkandla.

Facebook Forum

XS
SM
MD
LG