WASHINGTON DC —
Phakathi kwabazancintisa kukhetho lokudinga umongameli welizwe abanamgatshumi amabili lantathu kulabesifazane abane kuphela osekutshiye abanye besithi bayabandluluwa.
Lanxa bekhona abesifazane asebeke bakhokhela amazwe abo kwamanye amazwe, inani lincinyane kakhulu nxa kuqathaniswa lokuthi yibo abanengi kakhulu emhlabeni jikelele.
Sixoxe lomgcinisihlalo weMDC-T, ekhokhelwa nguNkosazana Thokozani Khuphe ngapha kweleMelika, uMnu. Den Moyo saqala ngokumbuza ukuthi abathi owesifazane kangeke abusa ilizwe le Zimbabwe ubabona njani?
"Kimi kukhombisa ukuba primitive kwabantu bakithi ababandlulula abantu besimame ngoba ngabesifazane kungakhangelwa ukuthi bayenelisa umsebenzi na," kutsho uMoyo.