amalinks wokungena

Breaking News

Kambe Ukumiswa Umsebenzi kukaMnu. Zweli Mkhize Kungaphazamisa Inhlelo zeCOVID 19 kweleSouth Africa?


Umongameli Cyril Ramaphosa

Umongameli Cyril Ramaphosa umemezele ukuthi usemise umsebenzi umphathintambo wogatsha lwezempilakahle uMnu. Zweli Mkhize kulandela insolo yokuthi kulenkampani eyaphiwa umsebenzi lugatsha lwakhe ngendlela engekho emthethweni.

Izizalwane zeZimbabwe ezihlala kweleSouth Africa ndawonye lezakulelolizwe sezisesabela ukuphazamiseka kokuhlatshwa kwazo ijekiseni yokwenqabela igcikwane leCoronavirus kulandela ukumiswa umsebenzi kukamphathintambo wogatsha lwezempilakahle uDokotela Zweli Mkhize.

Umongameli Cyril Ramaphosa umemezele ukuthi usemise umsebenzi umphathintambo wogatsha lwezempilakahle uMnu. Zweli Mkhize kulandela insolo yokuthi kulenkampani eyaphiwa umsebenzi lugatsha lwakhe ngendlela engekho emthethweni.

Inkampani yeDigital Vibes yaphiwa umsebenzi wezokuxhumana kwalolugatsha lozulu ikakhulu endabeni zomkhankaso wokulwisa icoronavirus. Sekuvele imibiko yokuthi abanini bale inkampani ngabangane bakaMnumzana Mkhize.

Umongameli Ramaphosa usethe uMnu. Mkhize ahlehle esikhundleni sakhe alungise indaba zakhe lezi.

Lokhuke sekulethe ukukhathazeka okukhulu ezweni jikelele lakuzizalwane zeZimbabwe ezilokhe zilindele ukuhlatshwa ijekiseni yokuvikela iCOVID-19.

Inengi lithi njengoba kusahlatshwe abantu abaphansi kwesigidi lengxenye (less than 1.5 million) phakathi kwabantu beSouth Africa abedlula izigidi ezingamatshumi ayisithupha (over 60 million) loluhlelo luzaphazamiseka kakhulu.

Abanye njalo bathi uMnumzana Mkhize umiswa umsebenzi ngesikhathi izabelo ezibalisa iGauteng, iFree State, Northen Cape le North West sezingene kuhlandla lesithathu lokuhlasela ngamandla kweCOVID 19. Inengike labebethemba uMnumzana Mkhize ekulwiseni icoronavirus bathi kungenzeka ukuthi ukumiswa kwakhe umsebenzi kuphazamise inhlelo zokwenqabela ukuhlasela ngamandla kwecoronavirus.

please wait

No media source currently available

0:00 0:03:55 0:00


Facebook Forum

XS
SM
MD
LG