amalinks wokungena

Breaking News

Kambe Umongameli Mnangagwa Engaba Eququzela Impi Enkundleni Zokuxhumana Ebulenjini?


Inkundla zokuxhumana ebulenjini

Amazwi kaMongameli Emmerson Mnangagwa awethule ngeviki edluleyo awokuthi abasekeli bebandla leZanu PF abasakhulayo kumele bangene enkundleni zokuxhumana ebulenjini, isocial media, babhaxabule abaphikisa ibandla leZanu PF asedale inkulumo.

Abanye abasekeli beZanu PF basebenzisa amazwi angalunganga bethuka lokweyisa abanye nxa bephendula abalembono ehlukene leyabo enkundleni zokuxhumana.

Lokhu kuze kwabangela ukuthi abanye basuke enkundleni zokuxhumana ebulenjini lezi ngenxa "yokubhaxabulwa" abakwenziwayo ngabasekeli bebandla le Zanu PF.

Sixoxe losakhulayo ohlala ngapha kweleMelika, uNkosazana Tsitsi Chiriseri saqala ngokumbuza ukuthi ubona njani okukhulunywe ngumnangagwa lokhu.

"Isocial media yindawo elungileyo kakhulu nxa isetshenziswa kuhle ngoba abantu basuke babe lesibindi sokukhuluma abangeke bakukhuluma nxa besemphakathini," kutsho uChiriseri.

please wait

No media source currently available

0:00 0:04:43 0:00

Facebook Forum

XS
SM
MD
LG