amalinks wokungena

Breaking News

Kuyini Okwenza Kube Lamabandla Ezombusazwe Amanengi Lonyaka eZimbabwe?


Udwendwe lwabavoti kukhetho lomnyaka ka 2013

Lokhe kusungulwa amabandla ezombusazwe ngesikhathi kulungiselelwa ukhetho oluqakathekileyo oluzakwenziwa lonyaka kwele Zimbabwe.

Ugatshwa lwezokhetho olwe Zimbabwe Election Commission luthi kulamandla adlula ikhulu lamatshumi amathathu.

Lokhu kwenzakala kulemibiko ethi sokusungulwe njalo umanyano wabafuna ukuncitisa kukhetho lwamakhansili olwabaphikisa bezimele.

Sixoxe losakhulayo ozancintisa ephansi komanyano we MDC Alliance, uMnu. Rodney Jele, endawonye loMnu. Zenzo Nkomo, othi laye uzancintisa kukhetho lokudinga ozamela iMguza edale lephalamende.

“Ngicabanga ukuthi isikhathi esinengi, ama independent, uma ngingaqala khonapho, asuka edalwa ngokuncipha kwamathuba emaphathini abo, noma ingxabano eziba khona phakathi eqenjini ezicina zisenza ukuba umuntu abone ukuthi angiphume ezibona ukuthi engaba labalandeli kuleyondawo,” kutsho uNkomo.

UNkomo uthi kodwa ubunengi bamabandla abuyisibo obenza abanye bakhethe ukuncintisa bezimele.

UJele uthi uvumelana loNkomo kodwa wengezelela esithi: “Omunye umuntu nxa ebona ukuthi ibandla akulo alisahambelani lemibono yakhe uhle athi ‘kungcono ngisuke engxenye ngilabanye bami abazangisekela’.”

please wait

No media source currently available

0:00 0:04:33 0:00

Facebook Forum

XS
SM
MD
LG