amalinks wokungena

Breaking News

Kanti Kuyini Okubangela Ukuthi Abantu Besigaba seMatabeleland Bangabhliseli Ukuvota?


Ukubhalisela ukuvota phansi kwe BVR

Idolobho lakoBulawayo lezigaba zonke jikelele ezeMatabeleland yizo ezilabantu abalutshwana ababhalisa kuluhlu lwabavoti. Idolobho lako Bulawayo lilabavoti abedlula kancane inkulugwane ezingamakhulu amane, i400 000.

Idolobho leHarare lalo lithiwa lilabantu abalutshwana ababhalisayo kodwa bayisigidi esisodowa lenkulungwane ezingamatshumi amathathu, i1, 35 million.

Ukuze sizwe ukuthi kanti vele kuyini okungaba kubangela ukuthi kubhalise abantu abalutshwana kangaka ezigabeni zeMandebeleni sixoxe lengcwethi ecubungula ezombusazwe, uMnu. Zenzo Nkomo endawonye loMnu. Rorger Jele osakhulayo ofuna ukuncintisa edinga isikhundla sokuba lilunga ledale lephalamende ephansi komanyano we MDC Alliance, onguye osungula lingxoxo.

“Kulezizatho ezimbili lapha, okwakuqala yikuthi abantu besigaba seMatabelaland abala msebenzi, inengi lacapha laya eGoli. Okwesibili yikuthi ngesikhathi seGukurahundi abazali batshiselwa izithupha okwenza ukuthi thina intsha siswele lathi izithupha,” kutsho uJele.

UNkomo uvumelane loJele wengezelela esithi: “Okunye yikuthi iZanu PF yaphuca ilungelo lokuvota labo okuthiwa balabazali abavela kwamanye amazwe.”

Facebook Forum

XS
SM
MD
LG