amalinks wokungena

Breaking News

Kasaphumelelanga uMnu. Zuma Ukuzokhalela abakoDabengwa


Umngcwabo kaDumiso Dabengwa

Owake waba nguMongameli welizwe lase South Africa umnunzana Jecob Zuma udlulisele phambili ukuvakatsha kwakhe emulini kamuyi uDumiso Dabengwa ngenxa yokugcwala kwe Ndizamtshina.

Izihlobo, abangane kanye labanye ababe sebenza leqhawe lesizwe eselakhothamayo uDr Dumiso Dabengwa bebebuthene emzini kamuyi belinde umnunzana uJacob Zuma owake waba ngumongameli wele South Africa obekufanele afike ukuthi azokhalela imuli ngokudlula kweqhawe leli.

Umnunzana Vukile Mathibela oyisikhulumi sikamnunzana Jacob Zuma uthi ngezizatho ezithile zibambe ukuthi umnunzana Jacob Zuma engasenelisi ukuthi abuye ezokhalela imuli kamuyi uDabengwa.

“Njengoba bekwaziwa ukuthi lowu obenguMongameli weSouth Africa uJecob Zuma ubezoza ezobona isotsha lomkonto elikhothemeyo, ezobobona umdeni ezowukhalisa, kodwa ngezizatho ezithize kasenelisanga ukubuya. Kodwa zikhona ezinye inhlelo ezizokwenziwa ezokuthi usuku luyo qhubeka okutsho ukuthi iFoundation izotshela abantu kodwa isifiso besikhona ukuthi uzobekhona sikhuluma lani nje sisekhaya okukhombisa ukuthi thina ngengewofisi lakhe besesifikile silungiselela ukufika kwakhe.”

Umnunzana Mthulisi Hanana ongumqondisi weDumiso Dabengwa Foundation uthi bona njenge Foundation ukubuya kukamnumzana Jacob Zuma bekutshengisa ukuthi umuyi uDumiso Dabengwa ubengumuntu oqakatheke okunganani.

“Thina njengabe Dumiso Dabengwa Foundation okuqakathekileyo esifuna okwakuqala yikuthi umzamo wonalowu obufakwe ngu former president weSouth Africa uJacob Zuma ubuyinto enhle ade siyamukela ngoba ibitshengisa ukuthi ubaba uDabengwa obengu muntu onganani owasebenza kakhulu labantu bomkhonto wesiswe lapho uJecob Zuma obengu intelligence supreme khonangale ngesikhathi sestrugle. So ukubuya kwakhe lapha besikhangele yinto ezaqinisa ihistory kababa uDabengwa lama relations ayekhona phakathi koMkhonto wesizwe leZIPA kodwa loba engasabuyanga asifuni kukhathala lokhe silethemba lokuthi kumzamo eminye eyenziwayo uzacina efikile.”

Imuli yakoDabengwa ibilinde umnumzana Jacob Zuma owake waba ngumongameli wakwele South Africa ukuba azokhulumisa imuli ngemva koku khothama kwe qhawe kodwa ke kasaphumelelanga ufika lamuhla ngoba indizamtshina ibisigcwele ngakho sedlulisele phambili ukuza kwakhe.

please wait

No media source currently available

0:00 0:02:46 0:00

Facebook Forum

XS
SM
MD
LG