WASHINGTON DC —
Umeli weMberengwa South edale lePhalemende njalo elilunga leZanu PF uMnu Alum Mpofu kasekho.
Inkundla yeZimLive ibika ukuba uMpofu uqaleke wahle wabhubha esemzini wakhe eMasvingo ngeSonto.
UMpofu wake waba ngumqondisi womsakazo weZBC kodwa wasuka ngo2002 ngemva kokubanjwa ezama ukwenza okocansi lomunye owesilisa.
Ube lilunga ledale lePhalamende ngemva kokunqoba kukhetho luka2018.
Kumaviki edluleyo uMpofu ukhuthaze iPhalamende ukuthi isungule umthetho wePatriot Act ozajezisa izizalwane zeZimbabwe ezizatholakala zikhulumisana labohulumende bamanye amazwe ngenjongo yokungcolisa igama leZimbabwe.
Umthetho lo usolwa ngabanengi abathi le yindlela kahulumende yokuhlukuluza abamandla aphikisayo kanye labalwela amalungelo oluntu.