amalinks wokungena

Breaking News

Kasekho uMnu Nathan Shamuyarira


Nathan Shamuyarira
Owake waba ngumphathintambo wengatsha zikahulumende ezitshiyeneyo elilunga leZanu PF uMnu Nathan Shamuyarira kasekho.

UShamuyarira ubhubhele eWest End Clinic eHarare ngoLwesithathu ngemva kokugula okwesikhathi eside.

Wazalwa ngo1928 njalo ufe eseleminyaka engamatshumi ayisitshiyagalombili lanhlanu, 85.

Ekutholeni kweZimbabwe uzibuse ngomnyaka ka1980 uMnu Shamuyarira ukhethwe ukuba ngumphathintambo obona ngokwethulwa kwemibiko.

Wazosuka kulesisikhundla ngo1987 esesiba ngumphathintambo obona ngobudlelwano beZimbabwe lamanye amazwe.

Ngo2006 uShamuyarira ucunule abanengi ngokuthi umbuqazwe weGukurahundi, wona owabulalisa inkulungwane zabantu eMatabeleland leMidlands wawulungile.

UShamuyarira wayelilunga leZanu PF politburo njalo utshiye ezombusazwe ngo2010 ngoba impilakahle yakhe ibingasamanga kuhle.

Isikhulumeli seZanu PF uMnu Rugare Gumbo uthe ibandla lakhe liphatheke kubi ngokutshona kukaShamuyarira.

Ingcwethi kwezombusazwe uMnu Dumisani Nkomo uthe uShamuyarira waphambanisa imbali yakhe ngokukhuluma kubi ngodaba lweGukurahundi.
XS
SM
MD
LG