amalinks wokungena

Breaking News

Usebuyela eZimbabwe Na uSaviour Kasukuwere Odinwga Ngamasotsha Ngamehlo Abomvu?


UMnu. Saviour Kasukuwere ukhuluma lentathelizindaba. (Mhofu/VOA)
UMnu. Saviour Kasukuwere ukhuluma lentathelizindaba. (Mhofu/VOA)

Kulemibiko ethi uMnu. Saviour Kasukuwere, owayebona ngokufundisa abantu imilayo yebandla leZanu PF, uzama ukubuyela ekhaya.

UKasukuwere, owayecatshangelwa ukuthi ukucele lebandla leZanu PF elibizwa ngokuthi yiGeneration 40, kuthiwa usezame okwesikhathi eside ukuba akhulumisane ngodaba lolu loMongameli Emmerson Mnangagwa kanye lezinye iziphathamandla zikahulumende.

Abanye abakhe ababalisa uProfessor Jonathan Moyo loMnu. Patrick Zhuwao, ababaleka elizweni ibutho lihluthunela uMnu. Robert Mugabe umbuso, bayakusola lokhu okwenziwa nguKasukuwere obedingwa ngamehlo abamvu nguhulumende.

Kukhanya engani ufisa ukukhokhela ibandla leNational Patriotic Front elabunjwa ngabantu abakucele leGeneration 40 kubandla elibusayo. Kasenelisanga ukukhuluma loKasukuwere leziphathamandla zebandla leZanu PF.

Ukuze sihlaziye udaba lolu, sixoxe loDokotela Nkululeko Sibanda, ingcwethi kwezombusazwe osekolitshini leHuddersfield University kwele Bhilithani, othi ibandla leZanu PF lilakho ukusebenzisa uKasukuwere engabuyela ekhaya.

UKasukuwere, uMoyo, uZhuwao labanye abambalwa ababekhokhela icele leG40 befuna ukuthi uNkosikazi Grace Mugabe athathe isikhundla sikaMugabe, badingwa libutho leZimbabwe Defence Forces elibethesa amacala okweba imali kahulumende lokukhuthaza uMugabe ukuthi enze okungalunganga kwezombusazwe.

Akwaziwa ukuthi bahlala ngaphi okwamanje lobanje kulemibiko ethi bakwele South Africa.

Ingxoxo Esiyenze LoMnu. Nkululeko Sibanda
please wait

No media source currently available

0:00 0:02:28 0:00

XS
SM
MD
LG