amalinks wokungena

Breaking News

Kembo Mohadi: Ngamanga Aluhlaza Tshoko Ukuthi Ngiya Emacansini Labomama Abanengi


UMnu. Kembo Dugishi Mohadi

Umsekeli kamongameli, uMnu. Kembo Mohadi, uthi ngamanga aluhlaza tshoko ukuthi ulezithandwa ezinengi ezigoqela omama abendileyo labantwana besikolo.

UMohadi, osanda kwethula umbiko lo enkundleni yokuxhumana eyeFacebook kukhasi leZimbabwe Television Network, uthi kulabantu abasetshenziswa ngamaphephandaba ebulenjini beInternet ukuba bamlulaze ngokuloba amanga ngaye.

Uthi kawasiwo wakhe amazwi aphuma kuma audios ethulwe liphephandaba lebulenjini eleZimLive.

“Sengidiniwe ngodaba lolu. Ngamanga aluhlaza tshoko lokhu okukhulunywa ngami. Laba ngabantu abafuna ukungitshaphaza, abantu abafuna ukwenza ngibonakale njengomuntu omubi njalo kwenziwe ngabomu kusenzelwa ukungilahla phansi.

“Akulalutho oluzaguquka. Sengimelele ukuzwa ngomongameli ukuthi uzakuthini ngalokhu.”

UMohadi uthi kulabantu abamsekela kakhulu besithi kumele aqaphele.

Kubikwa ukuba wayesiya emacansini labomama abendileyo labanye ewofisini yakhe.

Facebook Forum

XS
SM
MD
LG