amalinks wokungena

Breaking News

URaila Odinga Uthi Kabayivumi Impumela Yokhetho eKenya


UMnu. Raila Odinga ukhuluma lentathelizindaba edolobheni leNairobi, Kenya.
UMnu. Raila Odinga ukhuluma lentathelizindaba edolobheni leNairobi, Kenya.

UMnu. Raila Odinga, oncintisa ukhetho lukamongameli kwele Kenya, uthi kemukelo impumela yokhetho olwenziwe kulelolizwe ngoLwesibili ngoba kudlalwe ngama computers ukwenzela ukuthi aphikisana laye uMnu. Uhuru Kenyatta anqobe.

UMnu. Odinga wethulele intathelizindaba umbiko lo esithi kungeke kwenzakale ukuthi uMnu. Uhuru amnqobe kukhetho lolu.

Esanda kwethula umbiko lo, abalandeli bakhe batshengisele ezitaladini kwamanye amadolobho batshisa amathaya ezimoto bekhonona ngokuthi ukhetho lubanjwabanjwe ngendlela ephezulu nguMnu. Uhuru labantu abasebenzela ikhomishini yeElectoral Commission.

Kodwa-ke okukhonishini le, uMnu. Ezra Chiloba, uthe ngamanga ukuthi imitshina yabo lama computers angenelwe ngabantu abangaziwayo batshintsha impumela yalo.

Amaphephandaba abika ukuthi kulomuntu obulewe ngamasotsha edolobheni leKisumu kodwa uhulumende uyakuphika lokhu. Le yindawo lapho uMnu. Odinga lapho agxile khona kwezombusazwe.

Okwamanje uMnu. Uhuru ukhokhela ngokwedlula amatshumi amahlanu lane ekhulwini – 54,3 percent (8,011 768 votes) kuthi uMnu. Raila Odinga olokuyisilanganiso okwedlula amatshumi amane lane ekhulwini – 44,8 percent (6,610 208).

Impumela isizondise kakhulu uMnu. Odinga othi akumelanga abantu bayamukele.

UMnu. Uhuru wanqoba uMnu. Odinga kukhetho olufanayo ngomnyaka ka2013.

XS
SM
MD
LG