amalinks wokungena

Breaking News

Khuphe: Sizoguqula Indlela Ugatsha Lwezempilakahle Oluphathwa Ngayo


Abecele leMovement for Democratic Change (MDC) elikhokhelwa nguNkosazana Thokozani Khuphe bathi bazaqakathekisa ukuguqulwa kwendlela uhlangothi lwezempilakahle oluphathwa ngayo ukuze lwabelwe imali ethe xaxa.

Bathi bazakhangela kakhulu udaba lwemali ukuze kulandelwa isivumelwano seAbuja Declaration esikhuthaza ohulumende bamazwe akuzwekazi leAfrica ukwabela lolugatsha isilinganiso sokulitshumi lanhlanu ekhulwini - 15% semali ehlelelwa ilizwe.

UDokotela Samukele Hadebe, umsekeli kanobhala jikelele we MDC-T ekhokhelwa nguNkosazana Khuphe, uthi loluhlangothi luqakathekile ngoba isizwe singeke sathuthuka nxa uzulu elizweni engaphilanga kahle.

UHadebe uthi ibandla lakhe lizoqakathekisa ukulundoloza lokwelatshwa kwemikhuhlane esibhahile kulezi nsuku.

Ele Zimbabwe lilokhe lisehluleka ukufinyelela isilinganiso esavunyelanwa yinkhokheli yamazwe awezwekazi le Africa, sokuba uhlangothi lwezempilakahle lutholiswe isilinganiso esisukela kwesilitshumi lanhlanu ekhulwini – 15% semali ehlelelwa ilizwe kuBudget.

please wait

No media source currently available

0:00 0:03:43 0:00
XS
SM
MD
LG