amalinks wokungena

Breaking News

Abatshayeli Abakhala Ngokuhlukuluzwa Ngamapholisa Bakhalala Ukuthwala Uzulu


Abatshayeli bama kombi bathi bahlukuluzwa ngamapholisa.

Inkulungwane lenkulungane zabantu abasebenzisa imitshova koBulawayo babhekane lobunzima bokuswela izimotha zokuhambisa ukubuyela emakhaya kulabo abavela emisebenzini kulandela ukufuthelana osokuqhamuke phakathi kwamapholisa labemitshova.

Esitshini semitshova sakoBulawayo eseGodhini, esivame ukuphithizela sikhathi sonke ikakhulu nxa selitshona ilanga abantu sebephindela emakhaya besingela zimotha loba amabhasi amancane njengoba abanini bazo becabange ukukhalala ukuhambisa izimotha zabo njengendlela zokutshengisela abakuthi yikuhlukuluzwa ngamapholisa.

Abatshayeli bakhala ngokuthi amapholisa abahlawulisa imbadalo engela lamsebenzi befuna nje ukufumbathiswa lokuzitholela imali kibo bona labo bezihluphekela bezama impilo.

Okwenze lamhlanje bamise izimotha zabo ukuhamba lamhlanje kubikwa kuyisehlakalo esanzakale ekuseni lapho amapholisa amanbili ecine ebhaxabulwa kakubi ngabatshayeli labowhindi lapho abangene komunye umtshova befuna ukuwuthatha ukuthi ungasebenzi. iStudio 7 ayenelisanga ukukhuluma lamapholisa ngalesi sehlakalo.

XS
SM
MD
LG