amalinks wokungena

Breaking News

Ukuzamazama Komhlaba eBotswana Kuzwakala eZimbabwe


Kuba lokuzamazama komhlaba eBotswana okutshiya abantu bethithibele kwele Zimbabwe.
Kuba lokuzamazama komhlaba eBotswana okutshiya abantu bethithibele kwele Zimbabwe.

Kube lokuzamazama komhlaba okumangalisayo kwele Botswana ngoMvulo ntambama ukuzwakale emazweni anjenge Zimbabwe, South Africa leMozambique.

Inkampani yezindaba eye Reuters ibika ukuba ukuzamazama lokhu bekuseduzane leKalahari Game Reserve.

Ibika ukuthi inhlanganiso yeUnited States Geological Survey ithe ukuzamazama lokhu kade kuyi 6.5 kusilinganiso seRitcher scale, esisetshenziswa ukuzwa isisindo sokuzamazama komhlaba.

Ingcwethi zitshele iReuters ukuthi ukuzamazama okunje akujayelekanga kwele Botswana lamanye amazwe aseduzane lelizwe leli.

Isikhulumeli sikahulumende weBotswana, uMnu. Jeff Ramsay, uthe, "Sikuzwile ukuzamazama komhlaba lapha ecentral Botswana ... Izindlu bezinyikinyeka kakhulu. Asikezwa ukuba kulomonakalo onganani ..."

UKgosi Kgomokgwana, indunankulu yase Moijabana eseduzane leKalahari Desert, uthe, "Kasizake sikubone lokhu lapha."

Kusadingisiswa ukuba ukuzamazama lokhu kudale umonakalo onganani.

Ukuzamazama komhlaba kwele Botswana kukhanya inziki yakho kade isendaweni okuthiwa yiMoijabana lapho okutshaye khona kwazwela ukunyikinyeka kwazwakala endaweni ezinengi ezigoqela eleSouth Africa, Zimbabwe, Lesotho, Mozambique, Zambia kanye lezansi yezwe leMalawi.

Amaphephandaba kwele South Africa abika ukuthi kube lokuzamazama komhlaba eGauteng kungakabi lokuzamazama okumangalisayo kwele Botswana.

Ingcwethi kwezokuzamazama komhlaba, uMnu. Ian Saunders, owe Council of Geosciences, utshele amaphephandaba ukuthi okwenzakeleyo lokhu akuvamanga ezansi yezwekazi leAfrica.

Izizalwane zeZimbabwe ezihlala endaweni atshiyene zithe zikuzwile ukuzamazama komhlaba. Nanku abasethulele khona baza baphendule umbuzo wethu ebulenjini bokuzilibazisa kukhasi lethu leFacebook eleVOA Ndebele. Ngenani kukhasi leli ukuze lisinile imibono yenu.

Nomusa Tshuma bazositshela abezim ebotswana mina ngiyizwile...umntakamastanda bekajabula ethi Jesus is coming

Tariro Ndlovu Mina angizwanga kodwa ngizwe abantu bekhuluma

Desire Radebe E yoevillie nothing..

Vaty Ndlovu Nqoe Lebotswana kuzwakele manje ntambama

Ncube Ntungamili mna ngibone ngapha eSoweto Joburg angikezwa monakalo kodwaz

Best P Phiri Lapha eGoli sikuzwile manje ngo 19:41pm

Thandi Cele Esokungcina isikhathi

Thandi Cele Soweto late siwuzwile

XS
SM
MD
LG