amalinks wokungena

Breaking News

Kubanjwe Abangu-871 beleCovid-19 eZimbabwe Izolo Kwabhubha Abangu-15


Coronavirus, Zimbabwe
Coronavirus, Zimbabwe

Kubhubhe abantu abalitshumi lanhlanu, 15, ngeCovid-19 eZimbabwe izolo njalo kwatholakala abafika phose inkulungwane, 871, belomkhuhlane lo.

Lokhu kukhweze inani labantu asebebulewe ngumkhuhlane lo selokhe ufike kuleli laya kumakhulu amane alamatshumi amane lesithupha, 446.

Asebefunyenwe beleCoronavirus bakhuphuke baya kunkulungwane ezingamatshumi phose amabili, 18,675.

Phakathi kwababhubhe izolo laba ababili ngabedolobho lakoBulawayo njalo abane ngabeMashonaland West.

Kulababili eMidlands, abathathu eMasvingo, ababili eMashonaland East, oyedwa eMashonaland Central loyendwa njalo eManicaland.

Idolobho leHarare yilo elihamba phambili ngabantu abagulayo abazinkulungwane phose ezintathu, 2,845, lilandelwa ngelakoBulawayo elilabantu abangamakhulu phose ayisithupha, 573.

Ukumemetheka komkhuhlane lo ngamandla kudale ukuvalwa kwelizwe, i-lockdown.

Umphathintambo wendaba zasekhaya uMnu Kazembe Kazembe uthi amapholisa azaqinisa uhlelo lokubopha labo abephula iziqondiso zokuvalwa kwelizwe.

Uthi uhulumende ukhathazeke kakhulu ngabantu abalokhe beqoqa amadili lamabhizimusi alokhe eqhuba umsebenzi afana lalawo athengisa utshwala lokunye lanxa emele evale.

Ukuvalwa kwelizwe lokhu kwamukelwe ngemibono etshiyeneyo nguzulu abagoqela isiphathamandla senhlanganiso emela abaphila ngokuzisebenza, iBulawayo Vendors and Traders Association uNkosikazi Debra Mukasa.

please wait

No media source currently available

0:00 0:02:45 0:00

XS
SM
MD
LG