amalinks wokungena

Breaking News

Kubhubha Abantu Ababili Abalimala Kuze Kudubuke Ibhomba eWhite City Stadium


Kulabantu ababili abalimele kakubi emhlanganweni owebandla leZanu PF owenzelwe enkundleni eye White City koBulawayo ngoMqgibelo asebefele esibhedlela ngamanxeba abawathole kulesi sehlakalo.

Umphathintambo wesibhedlela seMpilo, uMnu. Leonard Mabande, uthi kuliqiniso ukuthi ababili laba babhubhele esibedlela ngamanxeba okulimalela kusehlakalo sokudubuke embuthanweni lo, njalo ngabesilisa abangabanye babangamatshumi amabili lasitshiyagalo lunye abebelaliswe esibhedlela ngemva kwengozi le.

Kavezanga amagama ababili laba. Abanye abalimeleyo basesibhedlela seUnited Bulawayo Hospitals kanye le Mater Dei ko Bulawayo.

Omunye walabo abalimeleyo osesibhedlela seUBH, uNkosikazi Violet Muti, uthi usebuhlungwini njalo uthola uncedo kubandal leZANU PF.

“Ngalimala eralini ngi admitwe eUBH sengithole uncedo olvela epartini, echurch, kanye lezihlobo. Khathesi ibandla lami yilo elingincedisa ukungelaphisa.”

Okhangelele ukuncintisa ekhethweni lwalonyaka emele iBulawayo East ekubandal leZanu PF, uMnu. Enerst Shora, owethekelele abalimeleyo esibhedlela, uthi ngempela abantu laba abalimeleyo bezwa ubuhlungu kodwa inengi selikhitshiwe esibhedlela.

“Kubuhlunga kakhulu abantu laba bezwa ubuhlungu kodwa okusithabisayo yikuthi abanye babo sebephumile esibhedlela.”

UShora wengeze esithi ukubhubha kwababili laba kulusizi kakhulu njalo yinto obekungamelanga yenzakale.

“Silusizi kakhulu into leyi bekungamelanga yenzakale njalo yinto engamulekekanga.”

Laloba kufe abantu ababili kwalimala abanengi akuzange kufake ilizwe kusimo sokwesabela ukuthi kungaqhamuka udlakela lwezombusazwe elizweni lonke njengemvama ngezikhathi zokhetho eZimbabwe.

Abanye bayajabula njalo ukuthi isehlakalo lesi kasizange sibangele ukuthi uhulumende ahle athumele amasotsha ndawana yonke obe kungethusa abantu ngalesi sikhathi sokulungiselela ukhetho.

please wait

No media source currently available

0:00 0:02:42 0:00

XS
SM
MD
LG