amalinks wokungena

Kufa Amapostoli Alitshumi Lanye Ekubhewukeni kweRoli eKamativi

  • VOA

Kubhubhe abantu abalitshumi lanye engozini yokubhewuka kweroli eKamativi ngoLwesine ebithwele amalunga esonto yesipostoli bevela eSiyabuwa, eBinga, esabelweni seMatabeleland North, besiya emhlanganweni wenkonzo yabo eHwange.

Imota le ibithwele abantu abedlula ikhulu lamatshumi amathathu. Abalimeleyo bayelatshwa eKamativi Clinic kanye lasesibhedlela seHwange leseSt. Patricks.

Lanxa amapholisa esacwayisisa imbangela yalingozi, kulembiko ethi amabhuleki eroli le ebengasebenzi kahle njalo okusobala yikuthi ibithwele abantu abanengi kakhulu.

Osaphethe isikhundla sikamqondisi wogatsha lweTraffic Safety Council of Zimbabwe, uMnu. Clifford Gobo, uthi balusizi kakhulu ngalingozi. Uthi abatshayeli kumele bahambe ngonanzelelo emgwaqweni.

La ngamazwi agcizelelwe ngummeli weBinga North edale lephalamende, uMnu Prince Dubeko Sibanda, yena othi iroli le ibingamelanga ithwale abantu abanengi kangaka.

Facebook Forum

XS
SM
MD
LG