amalinks wokungena

Breaking News

Umkhuhlane weCholera Ubulala Umuntu koBulawayo


Owesifazana ugezisa izigqoko emfuleni uMukuvisi eHarare. (C. Mavhunga/VOA)
Owesifazana ugezisa izigqoko emfuleni uMukuvisi eHarare. (C. Mavhunga/VOA)

Umkhuhlane wesihudo usubulele umuntu koBulawayo obikwa ukuthi wayese Harare elokitshini leBudiriro.

Umqondisi wezempilakahle ekhansilini yakoBulawayo, uDokotela Edwin Sibanda, uthi umuntu lo obengomunye wabagula umkhuhlane lo abake bayafika kulelo lokitshi.

Kasenelisanga ukuthola igama lomuntu obhubhileyo lo obeleminyaka engamatshumi phose ayisithiyagalolunye - 88.

Omunye obelomkhuhlane lo oleminyaka engamatshumi amabili lane – 24 - welatshwe wasila.

“Sesithe semukela abantu abathile belezibonelo zecholera kodwa ababili phakathi kwabantu esesithe sabelapha kukababili abakebaba selokitshini lesigodlweni eBudiriro lapho okule Cholera khona usizi omunye wabo usuke wasitshiya uyebekwa kibo eChivhu kuthi osakhulayo okewavakatshela khona simelaphe lapha wasila.”

UDokotela Sibanda uchaze ukuba balemithi eyenelayo kodwa kungaba labantu abadlula ikhulu ababanjwa yiCholera koBulawayo sikhathi sinye balakho ukuba sebunzimeni ngoba imithi lamaphilisi abalakho akweneli leli nani.

“Okwamanje silayo imithi eyenela abantu abalikhulu kodwa singabalobunzima inani labantu abahlaselwa yicholera lingadlula inani leli okutsho ukuthi siyabe singasela mithi enelayo kuhlananisa lendawo yokugulela lezisebenzi..

Abohlangothi lwezempilakahle, kukhansili bakhuthaze uzulu ukuba aqhubeke ngokuhlanzeka ukuze idolobho libe lentuthuko kanye lenhlalakahle behlukane lengcekeza emakhaya.

Umkhuhlane weCholera usubulele abantu abafika phose abangamatshumi amahlanu eZimbabwe, ikakhulu edolobheni leHarare lapho oqhamuke khona.

Udaba Esilethulelwe NguAnnastacia Ndlovu
please wait

No media source currently available

0:00 0:02:50 0:00

XS
SM
MD
LG