amalinks wokungena

Breaking News

Kubhubhe Ababili ngeCovid-19 eZimbabwe ngeSonto


Wilkins Hospital - Preparation for Covid 19 Vaccination

Kubhubhe abantu ababili ngeCovid-19 eZimbabwe ngeSonto njalo kwatholakala abangamatshumi amabili lanye, 21, belomkhuhlane lo.

Lokhu kukhweze inani lasebebulewe yiCoronavirus selokhe ifike kulelilizwe laya kunkulungwane elamakhulu phose ayisithupha, 1,570.

Asebetholakele belayo sebezinkulungwane ezingamatshumi phose amane, 38,281.

Ugatsha olubona ngezempilakahle luthi abahlatshwe ijekiseni yakuqala yokwenqabela lumkhuhlane izolo bazinkulungwane phose ezimbili, 1,933, njalo abahlatshwe eyesibili bangamakhulu phose amabili, 1,967.

Inani lasebehlatshwe ijekiseni yakuqala kuphela selisedlula inkulungwane ezingamakhulu amane, 430,068.

Asebehlatshwe eyesibili njalo ingeyokucina sebezinkulungwane ezingamatshumi phose alikhulu, 94,131.

Lanxa inani labatholakala belomkhuhlane lo beseliqansa kumaviki amabili edluleyo, likhanya selisehla kulezinsuku.

Isikhulumeli senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi umkhuhlane lo usabhahile, ngakho uzulu kumele aqaphele.

please wait

No media source currently available

0:00 0:03:14 0:00

Facebook Forum

XS
SM
MD
LG