WASHINGTON DC —
Kubhubhe abantu abalitshumi lantathu, 13, ngeCovid-19 eZimbabwe izolo njalo kwatholakala abalikhulu lasithupha, 106, belomkhuhlane lo.
Lokhu kukhweze inani lasebebanjwe iCoronavirus kuleli laya kunkulungwane ezedlula amatshumi amathathu lane, 34,658.
Asefile bona bakhwele baya kunkulungwane elamakhulu edlula amathathu, 1,339.
Inani lababanjwa lumkhuhlane kanye labalahlekela zimpilo kulezinsuku liyehla nxa kuqathaniswa lakumaviki ambalwa edluleyo.
Ezwekazi leAfrica umkhuhlane lo ubuhlasele abantu abedlula izigidi ezintathu, 3.6 million, njalo wabulala abazinkulungwane phose ezilikhulu, 95,142.
Emhlabeni jikelele uhlasele abangu106 million njalo wabulala abangu2,3 million, ngokutsho kweJohns Hopkins University.
Facebook Forum