amalinks wokungena

Breaking News

Kubhubhe Abalitshumi Lantathu ngeCovid-19 eZimbabwe ngoMvulo


Coronavirus, Zimbabwe

Kubhubhe abantu abalitshumi lantathu, 13, ngeCovid-19 eZimbabwe ngoMulo njalo kwatholakala abedlula amakhulu amane, 416, belomkhuhlane lo.

Lokhu kukhweze inani lasebefile laya kunkulungwane elamakhulu edlula ayisikhombisa, 1,685.

Asebebanjwe lumkhuhlane bona sebephezu kwenkulungwane ezingamatshumi amane, 44,195.

Abezempilakahle bathi umkhuhlane lo usubhahe kakhulu endaweni ezivaliweyo ezifana leKarika, Makonde, Karoi leKwekwe.

Udla ubhedu njalo endaweni ezifana leMagunje, Chirundu, Mhangura, Mt Darwin lasemalokitshini akoBulawayo abalisa iNkulumane, iEmakhandeni kanye lamanye asenyakatho yedolobho.

Abantu abahlatshwe ijekiseni yakuqala yokuvikela lumkhuhlane ngoMulo baphansi kwenkulungwane eyodwa, 936 kuthi abahlatshwe eyesibili bedlula kancane inkulungwane, 1,183.

Asebehlatshwe eyakuqala bonke sebengu704,001. Asebehlatshwe eyesibili njalo ingeyokucina bona sebengu436,851.

Lanxa abanye bebikwa bengayilandeli imigoqo yokwenqabela lumkhuhlane, edolobheni lePlumtree babikwa beyilandela, ngokutsho kwesiphathamandla senhlanganiso yePlumtree Combined Residents and Development Association uMnu Richard Khumalo.

please wait

No media source currently available

0:00 0:02:19 0:00

Facebook Forum

XS
SM
MD
LG