Kubhubhe abantu abalitshumi lanye, 11, ngeCovid-19 eZimbabwe ngeSonto njalo kwatholakala abedlula amakhulu amane, 424, belomkhuhlane lo.
Lokhu kukhweze inani lasebefile laya kunkulungwane elamakhulu edlula ayisikhombisa, 1,736.
Asebebanjwe lumkhuhlane bona sebephezu kwenkulungwane ezingamatshumi amane lasithupha, 46,442.
Abahlatshwe ijekiseni yakuqala yokuvikela lumkhuhlane ngeSonto bazinkulungwane phose eziyisitshiyagalolunye, 8,961.
Abahlatshwe eyesibili bona bedlula inkulungwane ezilitshumi lasithupha, 16,790.
Asebehlatshwe eyakuqala bonke sebengu756,291 kuthi asebehlatshwe eyesibili njalo ingeyokucina bona sebengu518,968.
Isiphathamandla senhlanganiso ephatheke kunhlelo zokwenqabela ukumemetheka kweCovid-19 eyeZimbabwe Christian Alliance uMnu Useni Sibanda utshele iStudio 7 ukuthi uhulumende kumele engeze inhlelo zokuhlaba abantu.
